İbrahim İbrahimlinin vəfat xəbəri ilə bağlı kürəkənindən AÇIQLAMA

Keçmiş millət vəkili, tanınmış ictimai xadim İbrahim İbrahimlinin vəfat etməsi barədə sosial şəbəkələrdə yayılan məlumatı Türkiyədə yaşayan professor Toğrul İsmayıl təkzib edib.

Axar.az xəbər verir ki, Toğrul İsmayıl İbrahim İbrahimli ilə bağlı müxtəlif xəbərlər və şayiələrin yayıldığını qeyd edib: “Bir ailə üzvü olaraq bildirmək istəyirəm ki, İbrahim bəyin sağlığında çeşidli problemlər olsa da, hazırda vəziyyəti yaxşıdır. Ailə üzvləri xaricində paylaşılan heç bir məlumata etibar etməyin”.

Qeyd edək ki, Toğrul İsmayıl İbrahim İbrahimlinin kürəkənidir.