Heydər Babayevin yerinə Saleh Məmmədov gətirildi

Bu gün Milli Olimpiya Komitəsində (MOK) Azərbaycan Həndbol Federasiyasının təşkilati məsələlərinin müzakirəsi ilə bağlı növbəti konfransı keçirilib.

Gənclər və İdman Nazirliyindən virtualaz.org-a verilən məlumata görə, yığıncaqda MOK-un vitse-prezidenti Çingiz Hüseynzadə və gənclər və idman naziri Azad Rəhimov iştirak ediblər.

Ç.Hüseynzadə bildirib ki, federasiya prezidenti Heydər Babayev öz ərizəsi ilə vəzifəsindən istefa verib və bu səbəbdən də quruma yeni rəhbərin seçiləcək. Çıxışdan sonra səsvermə keçirilib. Yeganə namizəd olan “Azəryolservis” ASC-nin sədri Saleh Məmmədov Həndbol Federasiyasının prezidenti seçilib.