“Bakı” klubunun təlim-məşq bazasında təmir işlərinə başlanıb.
Axar.az klubun saytına istinadən xəbər verir ki, təmir işləri bir ay müddətində başa çatacaq.
Ot örtüyü yararsız vəziyyətdə olan əsas meydançaya yeni toxum səpilib. Arenada işlərin üç həftəyə başa çatacağı gözlənilir. Təmir işlərinə start verilməsi komandanın yenidən dirçəldiyini deməyə əsas verir.
“Bakı”nın prezidenti olan iş adamı Hafiz Məmmədov da bu günlərdə klubun bazasına baş çəkib. Biznesmen futbolçulara problemlərin geridə qaldığını və maaşların ödəniləcəyini söz verib.
Qeyd edək ki, bir müddət əvvəl maliyyə problemlərinə görə dağılan klub hazırda I divizionda çıxış edir.