Nərimanov Rayonu Su Kanal Departamentinin rəisi Anar Nəzərəliyevin həbs olunması ilə bağlı yeni məlumatlar bəlli olub.
“Azərsu” ASC-dən Trend-ə bildiriblər ki, adı çəkilən şəxs qurumun işçisi deyil: “Anar Nəzərəliyev 4 il əvvəl “Azərsu” ASC-dəki vəzifəsindən azad olunub. Onun bizim qurumla heç bir əlaqəsi qalmayıb”.
Qeyd edək ki, yayılan məlumatlara görə, “Azərsu” ASC-nin prezidenti Qorxmaz Hüseynovun bacısı qızının həyat yoldaşı olan A.Nəzərəliyevin külli miqdarda mənimsəmə halları ilə bağlı təqsirləndirildiyi bildirilir. Həmçinin, məlumatlarda o da qeyd olunur ki, uzun müddət qaçıb gizlənən A.Nəzərəliyevi Xətai Rayon Polis İdarəsi 34-cü bölməsinin əməkdaşları həbs ediblər.