“Ermənistanın geniş mənada heç bir uduşu yoxdur”

“ABŞ Prezidenti Co Baydenin 1915-ci il hadisələrinə “soyqırım” deməsi nə hüquqi məsuliyyət yaradır, nə də tarixi dəyişir. Amna Baydenin özünə və ABŞ-ın xarici siyasətinə münasibəti dəyişir”.

Bu barədə siyasi şərhçi Qulu Məhərrəmli bildirib.

O qeyd edib ki, dəlisov Tramp Amerika demokratiyasının karikaturası idi, qoca Bayden isə dövlət maraqlarının tapdalanmasının və məhəlli komformizmin təmsilçisi oldu:

“Bu məsələdə Ermənistanın geniş mənada heç bir uduşu yoxdur, onsuz da təbliğatlarını aparırlar. Türkiyə isə olaya impulsiv yanaşmayacaq, hərbi gücünü artırmaqda davam edəcək, ABŞ-la münasibətlərdə bir müddər soyuqluq yaranacaq. Bəzi zərərləri gözlənilsə də Azərbaycan Türkiyənin yanında olacaq, eyni zamanda özünün ərazi bütövlüyü məsələsini və 30 illiyi yaxınlaşmaqda olan Xocalı soyqırımını gündəmdə saxlayacaqdır”.