Azinforum.az İnformasiya Portalı Onlayn Xəbər Portalı
Məşhur azərbaycanlı iş adamı və müğənni Emin Ağalarov Başqırdıstanın paytaxtı Ufada təşkil olunmuş konsertinə son anda yetişə bilib.
Virtualaz.org “Komsomolskaya Pravda”ya istinadla xəbər verir ki, o, konsertin başlamasına cəmi bir saat qalmış Ufaya çatıb.
“Moskvada işim vardı. Əsas odur ki, gəlib çata bildim. Təəsüf ki, şəhəri görə bilmədim, aeroportdan birbaşa konsert meydançasına gəlmişəm, ancaq gecə saatlarında aeroportdan şəhərin mərkəzinə gələ bildim”-müğənni bildirib. Emin Ağalarov deyib ki, konsertə gecikdiyinə görə atasının təyyarəsindən istifadə etməli olub.
Milyarder Araz Ağalarovun iki motorlu gümüşü “Gulfstream G550” təyyarəsi konsertin başlamasına bir saat qalmış Ufa aeroportuna enib, Emin konsert meydançasına vaxta yarım saat qalmış çatıb. Emin Ağalarov səyahətlərdə adətən adi reyslərdən istifadə edir, ancaq deyir ki, bu dəfə başqa əlacı yox idi.
Qəzet yazır ki, fanatları Emini yaxşı qarsalayıblar, konsert anşlaqla keçib. Müğənni vəd edib ki, imkan tapan kimi Ufaya yenə qayıdacaq.
