Cümə axşamı , Mart 28 2024
Ana səhifə / Siyasət / “Azəriqaz”da ixtisarlar başladı: “İmtahan ver, işdə qal”

“Azəriqaz”da ixtisarlar başladı: “İmtahan ver, işdə qal”

“Azəriqaz” İstehsalat Birliyində ixtisarlara başlanılıb. Qurumun fəhlə və mühəndis heyəti imtahana cəlb edilib. İmtahanda bal toplaya bilməyənlər işdən kənarlaşdırılır.

Bu barədə virtualaz.org saytına Neftçilərin Hüquqlarını Müdafiə Təşkilatının hüquqşünası Azər Quliyev məlumat verib.

A.Quliyevin sözlərə görə, təşkilata müraciət edən işçilər onlara məcburi ərizə yazdırdıqlarını deyiblər: “İmtahandan yüksək bal toplayanlara isə yeni yaradılan strukturda işlə təmin ediləcəklərini söyləyiblər. Amma işçilərin ixtisarı üçün keçirilən imtahanlar qanunsuzdur. İmtahanlar  Əmək Məcəlləsi ilə tənzimlənmir, yəni sözügedən qanunda belə imtahanlar nəzərdə tutulmayıb. Üstəlik, uzun illər bu sustemdə çalışanların imtahanla sınanması doğru deyil”.

Maraqlıdır ki, fəhlə heyətinin keçid balı mühəndislərin keçid balından yüksək olub.

A.Quliyev hesab edir ki, fəhlələrin keçid balının yüksək olması işçilərin ixtisarına hesablanıb: “Belə ki, “Azəriqaz”da tez-tez struktur dəyişikliyi edilir, hər dəfə də ixtisarlar aparılır. Gələn ilin yanvarından yenidən ixtisarlar olacaq”.

Qeyd edək ki, “Azəriqaz” İstehsalat Birliyinin rayon şöbələri ləğv edilib, əvəzində isə Bakı Regional Qaz İstismarı Departamenti və Bakı Regional Qazın Satışı Departamenti yaradılıb. Ləğv olunan qurumların işçilərinə xəbərdarlıq məktubu paylanılıb.

“Azəriqaz”dan isə virtualaz.org saytına bildiriblər ki, işçilərin yeni departamentlərə qəbulu testlə həyata keçirilir. Dövlət Neft Şirkətinin İnsan Resursları Departamenti tərəfindən vakant yerlə təklif olunacaq. İşlə təmin olunmayanlar və ya təklif olunan işlə razılaşmayanlara isə əmək haqqının 5 misli miqdarında birdəfəlik müavinət ödəniləcək. Həmçinin “SOCAR üzrə sərbəstləşən işçilərin məşğulluğunun və sosial dayanıqlığının təmin olunmasına dair” Proqrama qoşulmaları da təklif ediləcək. Bu proqrama qoşulan işçilərə bir il müddətində əmək haqqının 50 faizi ödənilir, eləcə də il ərzində vacant yerlər təklif olunur.

Həmçinin oxuyun

Ermənistanın balans siyasətində yaşanan ani səhvlərin uzun plandaki fəsadları

Son zamanlarda Ermənistan hakimiyətinin Qərb sevdası və Avro-Atlantik təşkilatlarına üzv olma istəkləri daha çox gündəmə …

Bir cavab yazın