Bu gün – noyabrın 21-də səhər Azərbaycanın əksər hissəsi yenə internetsiz qaldı.
İnternet-provayderlərindən virtualaz.org saytına verilən məlumata görə, internetin kəsilməsinin səbəbləri yenə də ölkədə internet axınının 80 faizinə nəzarət edən “Delta Telecom” ilkin provayder şirkətindəki problemlərlə bağlıdır.
Azərbaycan bundan əvvəl də irimiqyaslı internet fəlakəti ilə üzləşmişdi. Səbəb “Delta Telecom” xətlərinin birində baş verən yanğın idi.
Şirkət rəhbərliyi problemlərin tam aradan qaldırıldığını desə də internetdə kəsilmələr davam edir.