Azinforum.az İnformasiya Portalı Onlayn Xəbər Portalı
Azərbaycanın Silahlı Qüvvələrinin baş qərargah rəisi general-polkovnik Nəcməddin Sadıqovun Təl-Əvivə səfəri İsrailin ölkəmiz üçün önəmi məsələsini yenidən gündəmə gətirib. İsraillə əməkdaşlığı ölkəmizin müdafiə və təhlükəsizlik imkanlarını genişləndirmək baxımından önəmli hesab edən əksər siyasilərin fikrincə, bu əməkdaşlığın gələcək perspektivi də kifayət qədər böyükdür.
Məsələ ilə bağlı Moderator.az-a açıqlama verən millət vəkili Aydın Mirzəzadə ölkəmizin İsraillə əməkdaşlıqda maraqlı olduğunu qeyd etdi:
Azərbaycan və İsrail bir-birinə yaxın olan ölkələrdir. Bu ölkələrin bir sıra beynəlxalq məsələlərdə mövqeləri üst-üstə düşür. Həmçinin, Azərbaycan İsrailin müasir silahlarına maraq göstərir. Bu baxımdan, Müdafiə Nazirliyimizin yüksək rəsmisinin İsrailə səfəri iki ölkə arasında hərbi əlaqələrin genşlənməsinə müsbət təsir edəcək”.
