“İsraillə münasibətlərinə görə İranın Azərbaycanı hədəf taxtasına qoymaq kimi bir niyyətə düşməz”.
Yenisabah.az İHA-ya istinadla bildirir ki, bunu Afrika turnesindən dönən Türkiyə Prezidenti Rəcəb Tayyip Ərdoğan bildirib.
Dövlət başçısı İran-Azərbaycan gərginliyinin hərbi qarşıdurmaya çevrilib-çervrilməyəcəyi ilə bağlı suala cavab verərkən deyib:
“Şəxsən mənim belə bir gözləntim yoxdur. İsraillə münasibətlərinə görə İranın Azərbaycanı hədəf taxtasına qoymaq kimi bir niyyətə düşməz. Bu gün İrandakı azərbaycanlıların sayı göz önündədir. Bu, onları (İranı – red.) düşünməyə vadar edir, çünki elə də asan məsələ deyil. Atılan addımlar yanlışdır. Düşünürəm ki, İranın yeni rəhbərliyi də bu yanlışı davam etdirməyəcək”.