Çərşənbə axşamı , Noyabr 12 2019
Ana səhifə / Siyasət / Yol Polisindən plyonkalı maşınların sürücülərinə -Xəbərdarlıq

Yol Polisindən plyonkalı maşınların sürücülərinə -Xəbərdarlıq

Bakı şəhər Dövlət Yol Polisi İdarəsinin əməkdaşları pərdə və plyonkalı avtomobillərə nəzarəti davam etdirir
Pərdə və jalüzlərdən qanunda nəzərdə tutulmayan qaydada istifadə edənlər qanunvericiliyə uyğun olaraq məsuliyyətə cəlb edilirlər.
Bakı şəhəri Dövlət Yol Polisi İdarəsinin İctimaiyyətlə əlaqələr şöbəsinin rəisi, polkovnik Vaqif Əsədov Modern.az saytına bildirib ki, avtomobil qapılarında jalüzdən istifadəyə standartlara əsasən icazə verilir:
“Standartlaşdırma, Metrologiya və Patent üzrə Dövlət Komitəsinin təyin etdiyi standartlara əsasən, hava şəraitinin isti keçməsi ilə əlaqədar hər il mayın 1-dən noyabrın 15-dək Azərbaycanda nəqliyyat vasitələrinin arxa yan qapı şüşələrinə standarta uyğun sənaye üsulu ilə hazırlanan jalüzlərin vurulmasına icazə verilib.
Noyabrın 15-də isə  “Yol hərəkəti haqqında” qanuna edilən 1 saylı əlavənin tələbi öz qüvvəsini itirir”.
Polkovnikin sözlərinə görə, müəyyən edilən müddətdən sonra jalüzdən, eyni zamanda plyonkalardan istifadə edənlər qanunvericilikdə nəzərdə tutulan qaydada məsuliyyətə cəlb olunacaq.
İnzibati Xətalar Məcəlləsində nəzərdə tutulan inzibati xətaya görə sürücülər və avtomobil sahibləri 150 manat məbləğində cərimə olunurlar.

Həmçinin oxuyun

Etibar Məmmədov 20 yanvarla bağlı daha bir sirri açdı: “Primakov bizə dedi ki, ordu Bakıya yox, Qarabağa gedir”

“Sabiq prezident Ayaz Mütəllibov deyir ki, Yevgeni Primakov 1990-cı ilin yanvarında Bakıya qoşunların girəcəyi barədə …

Bir cavab yazın