Şənbə , Yanvar 16 2021
Ana səhifə / Siyasət / Yol polisindən İTV ilə bağlı – Açıqlama

Yol polisindən İTV ilə bağlı – Açıqlama

“Ola bilər ki, verilişdə hər hansı nöqsan olsun. Bu təbiidir. Amma bu nöqsanları aradan qaldırmaq lazımdır”.

Bu sözləri “Qafqazinfo”ya açıqlamasında Bakı şəhər DYP-nin İctimaiyyətlə Əlaqələr Şöbəsinin rəisi Vaqif Əsədov İTV-də yayımlanan “Evakuator” verilişinin “Azərbaycan” qəzeti tərəfindən tənqid olunmasına münasibət bildirərkən deyib. V. Əsədov xatırladıb ki, verilişin bir çəkilişində onun da iştirak etdiyi kiçik bir süjet efirdə yayımlanıb: “Həmin süjetdə dayanma və durma qaydaları ilə bağlı təbliğat aparılıb. Orada əməkdar artist Səlim Abbasov dayanma və durmanı qadağan edən nişanın altında maşınını saxlamışdı. Biz də onun maşını müvəqqəti mühafizə olunan dayanacağa apardıq. Dayanma durma qaydaları ilə bağlı tanınmış şəxs cəzalandırılırsa, deməli, hər kəs cəzalandırılmalıdır. Tanınmış şəxslər sanki toxunulmaz olduqlarını düşünərək istədikləri kimi maşınlarını saxlayır. Həmin süjeti çəkməklə bir daha sübut etdik ki, qanun hər kəs üçündür. “Azərbaycan” qəzeti verilişin formatına uyğun olaraq nəyi tənqid edirsə, onu deyə bilmərəm. Ancaq mən iştirak etdiyim süjetdə qanun qarşısında hamının bərabər olduğunu göstərmişəm”.

Həmçinin oxuyun

Manukyan Paşinyanı Elçibəylə müqayisə etdi, Bakıdan sərt cavab gəldi

Ermənistan müxalifətinin baş nazir postuna vahid namizədi Vazgen Manukyan Nikol Paşinyanı Azərbaycanın mərhum eks-prezidenti Əbülfəz …

Bir cavab yazın