Yol polisi sürücüyə əsəbləşib qan tökdü – ŞOK VİDEO

Şirvan şəhəri, 20 Yanvar küçəsi, 26 A, ev 39-da yaşayan Həsənov Anar İlham oğlu yol polisi əməkdaşları tərəfindən zorakılığa məruz qalması ilə bağlı başına gələnləri danışıb. Bildirib ki, ona məxsus “Hundai Tucson” markalı 99 FE 028 dövlət nömrə nişanlı avtomobili ilə 08.01.2016-cı il tarixdə axşam saatlarında Şirvandan Bakıya doğru hərəkət edərkən, DYP-nin Navahı postununəməkdaşları tərəfindən “saxla” işarəsi verilib. Anar Həsənov  maşını Navahı kəndi ərazisində yolun kənarında saxlayıb. Vətəndaşın sözlərinə görə, o, idarəetdiyi avtomobildən düşməyərək DYP əməkdaşının onun maşınına tərəf yaxınlaşmasını gözləyib. Lakin DYP əməkdaşı sürücünün avtomobilindən düşmədiyini görərək, hirsli şəkildə ona yaxınlaşıb və “Sən bomba oğlansan ə?Niyə maşından düşmürsən” ifadələrini işlədib. Avtomobilin sürücüsü DYPəməkdaşından intizamlı olmasını və onunla mədəni qaydada danışmasını xahiş edib. DYP əməkdaşı isə ona “düş aşağı, maşının sənədlərini təqdim elə” deyib. Şirvan sakini DYP əməkdaşına avtomobilindən düşməyəcəyini və maşının yan şüşəsindən sənədlərini təqdim edəcəyini bildirəndə polis nəfəri ona yenə “Sən bomba oğlansan də guya” deyərək, maşının qapısını zorla açmağa çalışıb. Lakin maşının qapılarının bağlı olduğunu görəndə əsəbləşərək yan şüşəyəyumruq vurmağa başlayıb və qışqıraraq bildirib ki, “maşından düş, gör, sənin başına nə oyun açıram”. Dəfələrlə avtomobilin yan şüçələrinə yumruq vuran DYP əməkdaşının əli qanamağa başlayıb. Gözü dönmüş DYP əməkdaşı əlinin qanını görən zaman nalayiq söyüşlər söyməyə başlayıb. Anar Həsənovun dediklərinə görə, DYP əməkdaşının onun avtomobilini əzəcəyindən ehtiyyat edib və özünün həyat təhlükəsizliyini təmin etmək məqsədilə ərazidən uzaqlaşıb və hadisənin baş verdiyi ünvanın 3-5 km-liyində yerləşən Navahı postuna yaxınlaşıb. Posta çatdığı zaman maşından düşərək ona köməkilik göstərilməsini DYP əməkdaşlarından xahiş edib. Anar Həsənovun bildirdiyinəgörə, DYP əməkdaşı posta gələrək onu öldürəcəyi ilə hədələyib. MəsələyəDYP postunun rəhbərliyi qarışdıqdan sonra DYP əməkdaşı sakitləşib. DYP postuna Anar Həsənovun valideynləri gəldikdən sonra DYP rəsmisi oradan kənarlaşmağa qərar verib. Lakin DYP postunun rəhbərliyi Anar Həsənovun idarə etdiyi avtomobilin yan şüşəsində qan ləkələrini görərək yol polisiəməkdaşının özbaşınalığına görə ondan üzr istəyiblər. Hətta avtomobilin sürücüsünə bildiriblər ki, bu barədə heç kimə məlumat verməsin. Lakin Anar Həsənov onlara bu haqsızlığın yerdə qalmayacağını və ölkə rəhbərliyinəmüraciət edəcəyini bildirib. Anar Həsənov DYP əməkdaşının zorakılığına məruz qalan zaman böyük sarsıntı keçirdiyini və dəhşətli dərəcədə qorxduğunu qeyd edib. Hətta bildirib ki, DYP əməkdaşı posta olarkən ona deyib ki, hara şikayət etsən belə mənə heç kim nəsə edə bilməz.

Xalqxeber.tv