Cümə , Noyabr 15 2019
Ana səhifə / Siyasət / Xalq Artisti Ramiz Zöhrabov son mənzilə yola salınıb

Xalq Artisti Ramiz Zöhrabov son mənzilə yola salınıb

Xalq Artisti, musiqişünas alim, professor Ramiz Zöhrabov son mənzilə yola salınıb.

AZƏRTAC xəbər verir ki, musiqişünas alimin tabutu önünə Azərbaycan Respublikasının Prezidenti adından əklil qoyulub.

Vida mərasimində Üzeyir Hacıbəyli adına Bakı Musiqi Akademiyasının rektoru, Xalq Artisti Fərhad Bədəlbəyli və Azərbaycan Bəstəkarlar İttifaqının katibi, Əməkdar İncəsənət Xadimi Cəlal Abbasov çıxış edərək, musiqi mədəniyyətimizin inkişafında, təbliğində və tədqiqində Ramiz Zöhrabovun müstəsna xidmətlərindən danışıblar.

Qeyd olunub ki, 20-dən çox monoqrafiyanın müəllifi olan görkəmli sənətkarın Azərbaycan mədəniyyətinin inkişafına, qədim muğam sənətimizin tədqiqinə həsr olunmuş əsərləri bu sahədə dəyərli mənbədir.

Çıxış edənlər Ramiz Zöhrabovun yaradıcılıq xüsusiyyətlərini, ölkəmizin mədəniyyət və incəsənətinin inkişafında fəaliyyətini, respublikamızda keçirilən muğam müsabiqəsi və festivallarında fəaliyyətini xüsusilə vurğulayıblar. Çıxışlarda R.Zöhrabovun insani keyfiyyətləri ilə yanaşı, pedaqoji fəaliyyətindən də bəhs olunub.

Bildirilib ki, R.Zöhrabov Bakı Musiqi Akademiyasında və Azərbaycan Milli Konservatoriyasında tələbələrə muğam sənətinin sirlərini öyrədib. O, Azərbaycan musiqişünaslıq elmində öz dəsti-xətti, xüsusi yeri və rolu olan sənətkardır. Skripka təhsili almış sənətkar Azərbaycan muğamlarının mahir bilicisi idi. Musiqişünas alimin tədqiqatları və gərgin əməyi müvafiq sahənin inkişafına öz töhfəsini verib.

Mərhum ikinci Fəxri xiyabanda torpağa tapşırılıb.

Allah rəhmət eləsin!

Həmçinin oxuyun

Almaniyadan 11 Azərbaycan vətəndaşı deportasiya edildi –SİYAHI

Almaniyadan 11 Azərbaycan vətəndaşı deportasiya edilib. Onlar Almaniyanın Şimali Reyn Vestfaliya əyalətinin Geseke şəhərində yaşayan …

Bir cavab yazın