Çərşənbə axşamı , Oktyabr 20 2020
Ana səhifə / Siyasət / Xəzər rayonunda məcburi köçkünə qarşı görün nə etdilər? — FOTOLAR

Xəzər rayonunda məcburi köçkünə qarşı görün nə etdilər? — FOTOLAR

Xəzər rayonunda məcburi köçkünü 23 ildir məskunlaşdığı yerdən çıxarmaq istəyirlər.

Ölkə.Az-ın məlumatına görə, Cəbrayıl rayonunun Soltanlı kəndindən olan məcburi köçkün Fəxrəddin Məmmədov rayonun 28 May küçəsində məskunlaşdığı mağazadan çıxarılır. F.Məmmədovun sözlərinə görə, sözügedən mağaza 1993-cü ildən fəaliyyətini dayandırıb və həmin ildən onlar orada məskunlaşıblar. Təxminən bir ay öncə özlərini Maliyyə Nazirliyininn əməkdaşları kimi təqdim edən şəxslər F.Məmmədova oradan çıxmalı olduqlarını bildiriblər:

“Bizə dedilər ki, buranı almışıq, çıxmalısınız. Amma heç bir sənəd göstərmədilər. İki gün öncə bir qohumumuzun yas mərasimində iştirak etmək üçün getmişdik. Gəlib gördük ki, qapıya plomb vurulub. Təbii ki, qalmağa başqa yerimiz olmadığına görə, plombu qırıb evimizə girdik. Həmin adamlara bildirdim ki, ya bizim başqa pansionatda, yataqxanada yerləşməyimizə kömək edin, ya yaşamağa bir yer göstərin. Axı biz buradan çıxıb harada yaşayaq? 1993-cü ildə məcburi köçkün düşəndə 2-3 ay “Tərəqqi” pansionatında yaşamışıq və qeydiyyatımız da oradır. Burada isə elektrik və qaz sayğacı adımızadır. Amma indiki halda orada yaşayan başqa insanlar var. “Qaçqınkom”dan da bilirlər ki, biz burada yaşayırıq. Çox xahiş edirəm ki, bizə bir yol göstərsinlər”.

Qeyd edək ki, Fəxrəddin Məmmədov Qarabağ müharibəsi veteranıdır.

 

Həmçinin oxuyun

“Azərbaycan bu gün artıq siyasi şahmat taxtasında piyada deyil, eləmi?” –“Əlbəttə!..”

“Cəbhədəki yeni uğurlar münasibəti ilə dövlətimizi, xalqımızı təbrik edirəm. İşğalçı ermənilərin burnunu axıra kimi ovmaq …

Bir cavab yazın