Vidadi Zeynalovun «Azərpoçt»dakı «kassirləri» kimlərdir?

Rəsul Bayramov və Aqşin Həsənzadə sabiq aparat rəhbərinin pulyığanları kimi ad çıxarıblar

Rabitə və Yüksək Texnologiyalar Nazirliyini (RYTN) sabiq aparat rəhbəri Vidadi Zeynalovla bağlı yeni-yeni ilginc məlumatlar ortaya çıxır. JAM.AZ-a daxil olan məlumata görə, sabiq aparat rəhbəri nazirlik və nazirlikdən kənar hər yerdə öz adamlarını yerləşdirib. Amma bununla paralel olaraq, həmin şəbəkənin də üzəri açılmağa başlayıb.

JAM.AZ bildirir ki, Vidadi Zeynalovun bir şəbəkəsi də «Azərpoçt» MMC-dədir. Bununla bağlı daxil olan məlumatlarda vurğulanır ki, MMC-nin baş direktor müavini Rəsul Bayramov və maliyyə şöbəsinin rəisi Aqşin Həsənzadə keçmiş aparat rəhbəri ilə sıx əlaqələi olmaqla yanaşı, həm də onun «qara kassası» kimi tanınıblar. Üstəlik, sözügedən şəxslər Zeynalovun adından pul yığaraq, onu birbaşa sözügedən şəxslərə çatdırdıqlarını vurğulayıblar.

Mənbə iddia edir ki, Aqşin və Rəsul uzunmüddətdir bu sahədə çalışırlar və hazırda gizlənməyə cəhd edirlər. Səbəb əllərindəki məlumatlara gizlətmək və onları məxfi bir yerdə saxlamaqdır. Bunun nə dərəcədə alınacağı isə məlum deyil.