Çərşənbə , May 22 2019
Ana səhifə / Siyasət / Vergilər Nazirliyi Hacı İbrahimlə məhkəmə çəkişməsini TƏSDİQLƏDİ

Vergilər Nazirliyi Hacı İbrahimlə məhkəmə çəkişməsini TƏSDİQLƏDİ

“Avesta Konserni” MMC Azərbaycan Vergilər Nazirliyi və Bakı şəhər Vergilər Departamentini məhkəməyə verib. Modern.az saytı xəbər verir ki, şirkət vergi borcunun ləğv edilməsi barədə iddia qaldırıb. 2 saylı Bakı İnzibati-İqtisadi Məhkəməsi iddianı təmin etməyib. Bakı Apellyasiya Məhkəməsi 2 saylı Bakı İnzibati-İqtisadi Məhkəməsinin qəbul etdiyi aktı qismən ləğv edib və yeni qərar qəbul edib. Hazırda işə Azərbaycan Ali Məhkəməsində baxılır.

Vergi borcunun məbləği açıqlanmır.

“Avesta Konserni” MMC-nin sahibi Hacı İbrahim Nehrəmli “Report”a açıqlamasında şirkətin vergi orqanlarını məhkəməyə verməsindən xəbərsiz olduğunu deyib.

Modern.az saytı məsələni dəqiqləşdirmək üçün Vergilər Nazirliyindən münasibət öyrənib. Nazirliyin Analitik-informasiya şöbəsindən Modern.az saytının sorğusuna cavab olaraq bildirilib ki, “Avesta Konserni” MMC ona hesablanmış torpaq vergisini məhkəmədə mübahisələndirmişdi və hazırda məhkəmə çəkişməsi davam edir”.

Həmçinin oxuyun

Zərdüşt Əlizadə: “Rusiyanın yeni ekspansiyalar üçün qüvvəsi qalmayıb”

Estoniyanın müdafiə naziri Rusiyanın qərb sərhədlərinə böyük hərbi qüvvələr cəmləşdirdiyi ilə bağlı açıqlama verib. Ölkəsinin  …

Bir cavab yazın