Çərşənbə , Oktyabr 21 2020
Ana səhifə / Siyasət / Telman İsmayılov müflis olması barədə Ali Məhkəməyə müraciət edib

Telman İsmayılov müflis olması barədə Ali Məhkəməyə müraciət edib

Çerkizovo bazarının keçmiş sahibi, AST qrupunun təsisçisi, biznesmen Telman İsmayılov müflisləşməsi haqda Rusiya Federasiyasının Ali Məhkəməsinə ərizə ilə müraciət edib. Şikayətçinin apellyasiya məhkəməsinə müraciəti barədə iş materiallarında göstərilməyib.

Virtualaz.org saytı xatırladır ki, Moskva Arbitraj Məhkəməsi 2015-ci ilin dekabr ayında vətəndaş Boris Zubkovun tələbi ilə T.İsmayılovun müflis elan olunması barədə hökm çıxarmışdı.

Moskva vilayətinin Arbitraj Məhkəməsi Boris Zubkovun ərizəsi əsasında İsmayılovu müflis elan etmiş və onun əmlakının satışı proseduruna başlamışdı. Lakin 2016-cı ilin mart ayında Doqquzuncu Arbitraj Apellyasiya Məhkəməsi həmin qərarı ləğv etmişdi. Məhkəmə Zubkovun İsmayılova 15 milyon rubl pul verməsi iddiasını sübuta yetirilməmiş hesab etmiş və müvafiq olaraq, müflis elan olunma tələbinə gətirib çıxaran borclanma hadisəsinin baş vermədiyi qərarına gəlmişdi.

25 fevral tarixinə qədər İsmayılov barəsində 10 kreditordan tələb daxil olub. Bunlardan doqquzu hüquqi, biri isə fiziki şəxsdir.

VTB qrupuna daxil olan “Moskva Bank” Telman İsmayılova 286,4 milyon dollar və 3,4 milyard rubl tələb irəli sürüb. Bundan əlavə, bir sıra Kipr şirkəti 120 milyard rublluq iddia ilə çıxış edib.

Həmçinin oxuyun

İranla qucaqlaşan İrəvan indi Tehrana güllə atır – ŞƏRH

Ermənistan, deyəsən, havalanıb. Düşmənin silahlı qüvvələri başını o dərəcədə itirib ki, dünənə qədər can-ciyər dediyi, …

Bir cavab yazın