Çərşənbə axşamı , İyul 23 2019
Ana səhifə / Siyasət / Telman İsmayılov haqqında iflas qərarı qəbul olunması üçün məhkəmə iddiası qaldırılıb

Telman İsmayılov haqqında iflas qərarı qəbul olunması üçün məhkəmə iddiası qaldırılıb

Rusiya Federasiyasının “Moskva bankı” (“Bank Moskvı”, VTB qrupu) paytaxtdakı Çerkizov bazarının keçmiş sahibi, AST qrupunun sahibi Telman İsmayılov haqqında iflas elan olunması üçün arbitraj məhkəməsinə iddia təqdim edib. APA-nın məlumatına görə, bu barədə “Kommersant” qəzeti yazıb.
Oktyabrın 1-də arbitraj məhkəməsinə daxil olan iddiada deyilir ki, 2012-ci ilin sentyabrından 2014-cü ilin fevralına kimi bank “Ruslayın” MMC və Hollandiyanın “Tropicano Finance B.V.” şirkətlərinə üç dəfə ümumi məbləği 230 milyon dollar olan kredit ayırıb. Hər iki şirkət AST ilə əlaqəlidir və pulu alan Telman İsmayılov kreditin müəyyən olunmuş müddətdə qaytarılacağı barədə şəxsən təminat verib.
İddiaya əsasən nə faizlər, nə də əsas borc ödənilməyib. Nəticədə T. İsmayılovun bu ilin 1 oktyabrına yığılan borcu 286,4 milyon dollar təşkil edib. “Moskva bankı” T. İsmayılovun bu müddətdə maliyyə öhdəliklərini yerinə yetirmədiyinə görə, onun ödəmək iqtidarında olmadığını bildirib. Bununla əlaqədar bankın hüquqşunasları arbitraj məhkəməsindən vətəndaşın borclarının restrukturizasiyası prosedurunu aparmağı xahiş ediblər.
Hələlik T. İsmayılov problemlə əlaqədar hər hansı şərh verməyib.

Həmçinin oxuyun

Gürcüstanın parlament komitəsində Keşikçidağla bağlı qapalı dinləmənin keçirilməsi tələb olunur

Gürcüstan parlamentinin Diaspor və Qafqaz məsələləri üzrə komitəsində Azərbaycanla sərhəddə yerləşən Keşikçi dağı Məbəd-Kompleksi ilə …

Bir cavab yazın