Cümə axşamı , Mart 28 2024
Ana səhifə / Siyasət / SOCAR-ın idarə rəisi Bəxtiyar Məmmədovu məhkəməyə verir

SOCAR-ın idarə rəisi Bəxtiyar Məmmədovu məhkəməyə verir

SOCAR-ın Nəqliyyat İdarəsinin rəisi Elçin Zülfüqarov hüquq müdafiəçisi Bəxtiyar Məmmədovu məhkəməyə verəcək.

Azinforum.az xəbər verir ki, bu barədə Trend-ə İdarənin hüquq şöbəsinin rəsi Emin Hüseynov deyib.

E.Hüseynov qeyd edib ki, buna səbəb B.Məmmədovun mətbuatda SOCAR-ın Nəqliyyat İdarəsinin rəisi Elçin Zülfüqarovla bağlı əsassız məlumat yaymasıdır. Onun sözlərinə görə, hazırda sənədlər hazırlanır və ən yaxın vaxtda iddia ərizəsi məhkəməyə təqdim olunacaq.

E.Hüseynov bildirib ki, E.Zülfüqarovla bağlı yayılan məlumatların heç bir əsası yoxdur. Onun sözlərinə görə, bu, sadəcə olaraq E.Zülfüqarova qarşı aparılan qarayaxma kampaniyasıdır. E.Hüseynov qarayaxma kampaniyasının kimlər və hansı məqsədlə aparılmasından xəbərsiz olduğunu bildirib.

Qeyd edək ki, ötən gün hüquq müdafiəçisi B.Məmmədov E.Zülfüqarovun 120 nəfərdən artıq işçisinin vəhhabi cərəyanına qoşulmasını, İdarədə dövlət əmlakını mənimsəməsini iddia edən məlumat yayıb.

Həmçinin oxuyun

Bakı və Kreml Brüssel görüşündən narahatdır, ABŞ tənqidləri qəbul etmir

Vaşinqton Bakının aprelin 5-də Brüsseldə ABŞ, Avropa İttifaqı və Ermənistanın üçtərəfli görüşü ilə bağlı tənqidini …

Bir cavab yazın