Çərşənbə , Oktyabr 21 2020
Ana səhifə / Siyasət / Sevdiyi qadını qısqandığına görə həbs etdirdi, qadın isə bəraət aldı

Sevdiyi qadını qısqandığına görə həbs etdirdi, qadın isə bəraət aldı

Külli miqdarda dələduzluqda ittiham olunan Tamilla Eyyubovaya bəraət verilib. Bu barədə vəkili Adəm Məmmədov özünün “Facebook” səhifəsində yazıb.

Hüquqlarını müdafiə etdiyi şəxsin barəsində CM-nin 178.3.2-cü maddəsi ilə 7 ildən 12 ilədək azadlıqdan məhrumetmə cəzası nəzərdə tutulduğunu bildirən vəkil işə bərətverici əsaslarla xitam verildiyini açıqlayıb.

”Guya Elman Cəfərovun 280 min ABŞ dollarını ələ keçirməyə görə təqsirləndirilərək barəsində həbs qətimkan tədbiri seçilmişdi. Tamilla Eyubova 9 ay həbsdə qalmasına baxmayaraq, həbsdən azad edilərək cinayət işinə bəraətverici əsaslarla xitam verilməsinə nail oldum. Hər iki şəxsin Gürcüstan Respublikasında şərikli hotel işlətmələri müəyyən edilib. Şərikli fəaliyyət zamanı müflis olublar. Yəni yatırım etdikləri pullara görə qazanc əldə edə bilməyərək, əsas məbləği belə qaytara bilməyiblər”, – vəkil bildirib.

“Ən maraqlısı zərərçəkmiş şəxs ilə təqsirləndirilən şəxs arasında aparılan üzləşdirmə istintaq hərəkəti zamanı Elmanın hüquqlarını müdafiə etdiyim şəxs Tamillanı hələ sevdiyini öz ifadəsində bildirməsidir. Elmana sual veriləndə ki, nə üçün sevdiyin qadını tutdurmusan, bunu əsəbləşərək etdiyini deyib. İstintaq materiallarından da müəyyən olunur ki, Elman Tamillanı sevdiyinə və sonuncunun ölkəni tərk edib getməməsi üçün onu qısqanclıq zəminində həbs etdirib. Hazırda da Elman hüquqlarını müdafiə etdiyim şəxsə sevgi mesajları yazmaqda davam edir”, – deyə vəkil əlavə edib.

Həmçinin oxuyun

İranla qucaqlaşan İrəvan indi Tehrana güllə atır – ŞƏRH

Ermənistan, deyəsən, havalanıb. Düşmənin silahlı qüvvələri başını o dərəcədə itirib ki, dünənə qədər can-ciyər dediyi, …

Bir cavab yazın