Şənbə , Oktyabr 31 2020
Ana səhifə / Siyasət / Səngəçalda qaz kəməri 3-cü dəfə partladı, yanğın davam edir – VİDEO

Səngəçalda qaz kəməri 3-cü dəfə partladı, yanğın davam edir – VİDEO

Bakının Səngəçal qəsəbəsində qaz xəttində yanvarın 10-u axşam saatlarında yenidən yanğın baş verib. Bu barədə sosial şəbəkələrdə yayılan məlumatları Neftçilərin Hüquqlarının Müdafiə Komitəsinin sədri Mirvari Qəhrəmanlı da təsdiq edib.SOCAR-dakı mənbələr məlumatı virtualaz.org-a təsdiqləyib, daha sonra rəsmi məlumat yayılacağı bildirilib. Yayılan kadrlara əsasən partlayış və yanğın bu dəfə də 1000 millimetrlik qaz kəmərində baş verib, şiddətli yanğın davam edir. Hələlik yanğına müdaxilə olunmayıb.

Bu artıq son 2 həftədə eyni yerdə baş verən üçüncü qəzadır. Dekabrın 27-də saat 10 radələrində Qaz Emalı Zavodundan Səngəçal Baş Qurğularına gedən, diametri 1000 mm-lik magistral qaz kəmərində partlayış və yanğın baş vermişdi.Yanğın 6 saatdan sonra söndürülmüşdü. Hadisə nəticəsində insan itkisinin olmadığı bildirilirdi. Ancaq yaxınlıqdakı evlərin pəncərələri, dam örtükləri ziyan görmüşdü.Hadisənin nədən baş verdiyi rəsmən açıqlanmasa da, SOCAR bir neçə versiyanı nəzərdən keçirildiyini bildirirdi.

«2002-ci ildə tikilib istismara buraxılmış qaz kəmərində baş verən qəzanın mümkün səbəbləri arasında qaynağın və ya boru materialının keyfiyyətinin aşağı olması nəzərdən keçirilir. Habelə, kəmərin keçdiyi ərazinin aqressiv və sürüşkən zonada yerləşməsi nəticəsində aşınmaya məruz qalması ehtimalları dəyərləndirilir. İlkin baxış qəzanın texnogen xarakter daşıdığını təsdiq edir», – şirkət qeyd edirdi.

Lakin eyni yerdə ikinci yanğın yanvarın 2-də baş verdi. Bu isə artıq üçüncüdür…

(Virtualaz.org)

Həmçinin oxuyun

“Putin əslində Rusiya üçün balansı nəzərdə tutur”

“Rusiyan Prezidenti Vladimir Pitin dünən Qarabağla bağlı açıqlama verib. Sayca bu, onun ikinci açıqlamasıdır. Ümumiyyətlə, …

Bir cavab yazın