Ana səhifə / Siyasət / Rusiyalı politoloq Azərbaycan mediasını hədələdi: “Hara gedirsiniz, cənablar?” – FOTO

Rusiyalı politoloq Azərbaycan mediasını hədələdi: “Hara gedirsiniz, cənablar?” – FOTO

Rusiya hökuməti Rusiya ordusunun hərəkətləri ilə bağlı mediada yalan məlumatların yayılmasına görə cinayət məsuliyyəti tətbiq edəcək.
Bu barədə siyasi analitik Oleq Kuznetsov “Facebook” hesabında məlumat paylaşıb.
“Bunun üçün ilk addım atılıb və Dövlət Duması müvafiq qanun layihəsini üç oxunuşda təsdiqləyib. Məsələ Federal Məclisin və prezidentin ixtiyarındadır, lakin onlar burada da tərəddüd etməyəcəklər” – deyə Kuznetsov qeyd edib.

O, həmçinin bildirib ki, “Azərbaycanda son bir neçə gündür saytlar Ukrayna Silahlı Qüvvələrinin 72-ci SIPO Mərkəzindən saxta məlumatlar yayırlar”.

“Bu saytların hamısının adları yaxşı məlumdur və hər biri üçün kifayət qədər dəlillər var. Ukraynanın denazifikasiyasından sonra onların bütün baş redaktorları beynəlxalq axtarışa veriləcək. NATO sizi dəstəkləməyəcək, çünki siz Rusiyaya qarşı artıq silinmiş, maliyyə hesabatlarında çətinliklə əks olunan informasiya müharibəsinin xərclənən materialısınız. Hara gedirsiniz, cənablar? Azərbaycan Rusiyanın müttəfiqidir.

Mən buna tam əminəm ki, Azərbaycan Ukrayna saxtakarlığı ilə əlbir olan şəxsləri təhvil verərək bu məsələdə öz müttəfiqlik borcunu yerinə yetirəcək. Sonra deməyin ki, mən sizə xəbərdarlıq etmədim”, – deyə Kuznetsov əlavə edib.

Rusiyalı politoloq Azərbaycan mediasını hədələdi: "Hara gedirsiniz, cənablar?" - FOTO

Həmçinin oxuyun

Fransa səfiri Azərbaycan XİN-ə çağırıldı – ETİRAZ

Fransanın Azərbaycandakı səfiri Zakari Qros bu gün Xarici İşlər Nazirliyinə dəvət edilib. Azinforum.az xəbər verir ki, …