Cümə axşamı , Noyabr 26 2020
Ana səhifə / Siyasət / “Rəsulzadə ilə bağlı təhqiredici ifadə işlətməmişəm” – AÇIQLAMA

“Rəsulzadə ilə bağlı təhqiredici ifadə işlətməmişəm” – AÇIQLAMA

Gəncədən deputat seçilən Naqif Həmzəyev Məhəmməd Əmin Rəsulzadə barədə səsləndirdiyi fikirlər ətrafında yaranan ictimai narazılıqla bağlı açıqlama verib.

O, Modern.az saytına deyib ki, mətbuatdakı məqalə həmin dialoqun ruhuna tamamilə ziddir:

“Orada xanım jurnalistin təqdim etdiyi kimi, təhqiredici ifadələrdən qəti istifadə olunmayıb. Müəllif həmin söhbəti təhrif edib və mənə qarşı açıq qərəz nümayiş etdirib. Səsləndirmədiyim əksər fikirləri mənim adımdan verib. Çox təəssüflər…”.

“Yeni Müsavat”ın yazdığına görə, Naqif Həmzəyev qəzetin əməkdaşına Rəsulzadənin vətən xaini adlandıraraq, onun büstünün Gəncədə deyil, ilk respublikanı Tiflisdə qurduğu üçün orada qoyulmasını lazım bildiyini vurğulayıb.

Naqif Həmzəyev “Rəsulzadə yaxşı kişi olsaydı arvadına sahib çıxardı” sözləri ilə özü də hiss etmədən şok açıqlama verib. Bu açıqlama ictimaiyyətdə böyük qınaqla qarşılanıb.

Həmçinin oxuyun

Fransa XİN: “DQR” rejiminin tanınması heç kimə fayda verməyəcək”

Fransa Senatı bu gün 305 səs lehinə, 1 səs əleyhinə olmaqla qondarma DQR rejiminin müstəqilliyini …

Bir cavab yazın