Bazar , Oktyabr 25 2020
Ana səhifə / Siyasət / “Qurbana heykəl qoymaq boynumuzun borcu olsun” – Aqil Abbas

“Qurbana heykəl qoymaq boynumuzun borcu olsun” – Aqil Abbas

Bu, Qurbanın Allahverdi Bağırovun ruhuna hədiyyəsidir. “Beşiktaş” futbolçuları Çanaqqalada şəhid oldular. “Qarabağ”ın da xeyli futbolçusu Qarabağ savaşında şəhid olub. Allahverdi Bağırov, Eldar Bağırov, General Ərşad, Nizami həkim, Fred Asif və başqaları. “Qarabağ”ın bu uğuru bütün şəhidlərimizin ruhuna hədiyyə oldu.
Azinforum.az bildirir ki, bu sözləri qol.az-a açıqlamasında millət vəkili Aqil Abbas deyib.
O, Ağdam klubunun Çempionlar Liqasının qrup mərhələsinə vəsiqə qazanmasına münasibət bildirib: “İmarət Ağdamda ən müqəddəs yerdir. Qurbana İmarətin girişində heykəl qoymaq boynumuzun borcu olsun. İmarətdə “Qarabağ”ı görəcəyik, Qurbanın rəhbərliyi ilə.
Bütün millətimizi təbrik edirəm. Bu, təkcə ağdamlıların, qarabağlıların qələbəsi deyil, bütün Azərbaycanın qələbəsidir. Bu, təkcə “Qarabağ” futbolçularının yox, bütün Azərbaycan futbolçularının qələbəsidir. Var ol, Qurban. Sənin o göz yaşlarından öpürəm. Bu dünya sənin göz yaşlarına dəyməz.
Mən demişdim ki, “Qarabağ” Danimarkaya 10 milyon insanın sevinci ilə gedib, yaxşı nəticə qazanacaq. Klub rəhbərliyini, Tahir bəyi, Əmrah bəyi, Rəşad başda olmaqla bütün futbolçuları təbrik edirəm. Əfranı təbrik edirəm, əl çəkin bu Əfrandan. Allah hamınızı qorusun”

Həmçinin oxuyun

Daniyelyan: “Mnatsakanyanın cavab verə bilmədiyi suallar…”

“Zöhrab Mnatsakanyanın müsahibəsini diqqətlə oxuyun, daha dəqiq desəm, onun cavab verə bilmədiyi KİV-in suallarını oxuyun”. …

Bir cavab yazın