Çərşənbə , Oktyabr 16 2019
Ana səhifə / Siyasət / Qalmaqallı bələdiyyə sədri danışdı – “Mən də polisə müraciət etmişəm…”

Qalmaqallı bələdiyyə sədri danışdı – “Mən də polisə müraciət etmişəm…”

Masallı rayon Hüseynhacılı kənd bələdiyyəsinin sədri Rafiq Ağayev kənd sakinlərinin ittihamlarına cavab verib.

R. Ağayev “Qafqazinfo”ya bildirib ki, kənd sakinlərinin onun barəsində səsləndirdikləri iddiaların hamısı şər-böhtandır: “Hadisəni polis araşdırır. Mən özüm polis və rayon prokurorluğuna bu barədə müraciət etmişəm. Niyə mənə şər atmaqlarının səbəbini bilmirəm.  Hüquq-mühafizə orqanları bunu müəyyən edəcək.

Belə fikirləşirəm ki, bələdiyyələr kəndlərdə pay torpaqlarına görə kəndlilərin ödəməli olduğu vergilərin toplanılmasına başlayıb. Bundan əlavə,  dövlət tərəfindən kəndlilərə buğda- arpa əkininə görə subsidiyalar ayrılıb. Biz də yoxlamalara başlamışıq ki, subsidiya alanlar buğda  ya arpa əkirlərmi? Hesab edirəm ki, şər-böhtan bundan qaynaqlana bilər”.

Qeyd edək ki, kənd sakinləri “Qafqazinfo”ya müraciət edərək bələdiyyə sədri Rafiq Ağayevin sərxoş vəziyyətdə qadınla məscidə gəldiyini, daha sonra pivə içərək əyləndiklərini bildiriblər.

Həmçinin oxuyun

Elçibəyin sabiq silahdaşı müxalifət liderlərini topa tutdu

Elçibəy onlara “adam olun” deyərdi Azərbaycanın sabiq prezidenti Əbülfəz Elçibəyin yaxın silahdaşı Cahandar Bayoğlu müxalifət …

Bir cavab yazın