Çərşənbə , Avqust 21 2019
Ana səhifə / Siyasət / Putinin əsas media ruporu Qarabağ separatizminə dəstək verir

Putinin əsas media ruporu Qarabağ separatizminə dəstək verir

Rusiyanın erməni mənşəli jurnalisti, “Russia Today” televiziyasının rəhbəri Marqarita Simonyan prezident Vladimir Putinin ən sevimli jurnalistlərindən sayılır.

Belə olmasaydı Kreml sahibi Krasnodar vilayətinin sıradan bir erməni jurnalistini Rusiya hakimiyyətinin xarici ölkələrdə əsas media ruporu sayılan “Russia Today” televiziyasının başına gətirməzdi. Marqarita Simonyan həm Ermənistanın keçmiş prezidenti Serj Sərkisyandan, həm də Putindən medal alıb. Onun Dağlıq Qarabağ separatçılarına rəğbəti də bəllidir. Ancaq Marqarita Simonyan bu dəfə bütün hədləri aşıb.
Marqarita Simonyan İnstagram səhifəsində 106 yaşlı əli avtomatlı qarabağlı nənəsinin şəklinin altına bu sözləru yazıb: “Nənəm 106 yaşında Qarabağda müharibə zamanı evini avtomatla qoruyurdu. Mən də yaşlaşanda belə görünəcəm”. Başqa sözlə Simonyan demək istəyir ki, qocalanda əli silahlı Qarabağda qohum-əqrəbasına belə dəstək verəcək.
Marqarita Simonyan sıradan bir jurnalist olsaydı buna fikir verməmək də olardı. Ancaq o dediyim kimi, Kremlin həm əsas ideoloji ruporuna başçılıq edir, həm də Putinə ən yaxın jurnalistlərdən sayılır. Demək, Kremlə elə Qarabağ separatizmini dəstəkləyən jurnalist lazımdır. Bu yanaşmanın özü “Rusiya Azərbaycanın torpaq bütövlüyünə hörmətlə yanaşır” nağılını bir daha çılpaqlığı ilə üzə çıxarır.

Elxan Şahinoğlu, politoloq

Həmçinin oxuyun

İlqar Məmmədovun açıqlaması AXCP və Müsavatı hiddətləndirib – QALMAQAL

Bir müddətdir, Respublikaçı Alternativ (ReAl) Partiyası ilə digər müxalifət partiyaları arasında qarşıdurma yaşanır. Səbəb isə …