Çərşənbə , Yanvar 27 2021
Ana səhifə / Siyasət / Prezident və xanımı “Bakutel 2016” sərgisində

Prezident və xanımı “Bakutel 2016” sərgisində

Azərbaycan prezidenti İlham Əliyev və xanımı Mehriban Əliyeva noyabrın 30-da Bakı Ekspo Mərkəzində keçirilən 22-ci Azərbaycan Beynəlxalq Telekommunikasiya və İnformasiya texnologiyaları “Bakutel 2016” sərgisi ilə tanış olublar.

” Azinforum.az ” “APA-Economics”ə istinadən xəbər verir ki, rabitə və yüksək texnologiyalar naziri Ramin Quluzadə Azərbaycan prezidentinə sərgi barədə məlumat verib.

Bildirilib ki, regionun ən böyük tədbirlərindən biri olan “Bakutel” sərgisi 20 ildən artıqdır ki, hər il telekommunikasiya bazarının aparıcı iştirakçılarını öz platformasında bir araya toplayır. İT üzrə məhsul və xidmətlərin nümayiş olunduğu əsas meydança kimi, “Bakutel” sərgisi möhkəm əlaqələrin qurulduğu və yeni müəssisələrin təsis olunduğu başlıca biznes-platformaya çevrilib.

Qeyd olunub ki, builki sərgidə Azərbaycan, ABŞ, Almaniya, Türkiyə və digər ölkələri təmsil edən 200-dən artıq şirkətin iştirakı gözlənilir. İştirakçıların 40%-i “Bakutel” sərgisinin daimi eksponentləridir. Sərgi iştirakçıları arasında aparıcı İKT şirkətləri, Azərbaycanın mobil / rabitə operatorları, internet provayderləri, sistem inteqratorları və tanınmış brendlərin distribyutorları yer alır. Ənənəvi olaraq, sərgidə Azərbaycan Respublikası Rabitə və Yüksək Texnologiyalar Nazirliyinin dəstəyi ilə iştirak edən bir sıra ölkələrin milli stendləri təqdim olunur.

Dövlət başçısı sərginin pavilyonları ilə yaxından tanış olub.

Həmçinin oxuyun

“Qarabağla bağlı 10 noyabr bəyanatı ardıcıl icra olunur” – Putin

“Biz hökumətlər olaraq birlikdə problemlərə reaksiya verməliyik. Bu, regional münaqişələrin həllinə töhfə verməyə, müttəfiqliklər qurmağa, …

Bir cavab yazın