Çərşənbə , Sentyabr 22 2021
Ana səhifə / Siyasət / “Ömrün daha bir səhifəsi qapanır” – Vilayət Quliyev

“Ömrün daha bir səhifəsi qapanır” – Vilayət Quliyev

“Ömrün daha bir səhifəsi qapanır. Sabah Vətənə dönürük”.

Bunu Azərbaycanın Macarıstandakı səfiri Vilayət Quliyev deyib. O, bildirib ki, həyatının az qala altıda bir hissəsi Macarıstanda keçdi:

“Bir az astagəl, çoxdanışan olsalar da, sadəliyi və səmimiliyi ilə seçilən macar insanını sevdim. Mənə çox doğma, çox yaxın göründülər. 

Siyasətçilərlə faydalı təmas qurduq. Elm adamları arasında çoxlu dostlar tapdım. Xalqlarımızı, ölkələrimizi yaxınlaşdırmaq, biri-birinə daha yaxşı tanıtmaq üçün birgə çalışdıq. 

Ailəmizin – həmişə mənə dayaq olan xanımımın, övladlarımızın – Şamillə Humayın çoxlu sevincli günlərinin ünvanı Budapeşt oldu… 

Və təəssüf ki, ürəyimizi parçalayan, dünyanı başımıza dar edən ən dəhşətli xəbəri də burada aldıq. Nə qədər ağır, iztirablı olsa da, ayaqda qalmağa və Allahın bəxş elədiyi ömrü ləyaqətlə yaşamağa çalışırıq… Amma gərək belə olmayaydı!”.

Qeyd edək ki, V. Quliyev prezident İlham Əliyevin sərəncamı ilə Azərbaycan Respublikasının Macarıstan Respublikasında fövqəladə və səlahiyyətli səfiri vəzifəsindən geri çağırılıb.

Həmçinin oxuyun

“Onlar bizim əsəblərimizlə oynamağa çalışır” – Fəzail Ağamalı

“Erməni faşizmi üzərində 44 günlük tarixi qələbəmiz saxta Ermənistan “dövlətinə” ağır və sarsıdıcı zərbə vursa …