Şənbə , Noyabr 23 2019
Ana səhifə / Siyasət / Nazirlikdən yalançı “əmək müfəttişləri” ilə bağlı — AÇIQLAMA

Nazirlikdən yalançı “əmək müfəttişləri” ilə bağlı — AÇIQLAMA

Əmək və Əhalinin Sosial Müdafiəsi Nazirliyinə ayrı-ayrı şəxslərin özlərini “əmək müfəttişləri” kimi təqdim edərək bəzi sahibkarlıq obyektlərində yoxlamalar aparmaq istəməsi faktları barədə məlumatlar daxil olub

Nazirliyin mətbuat xidmətindən Azinforum.az-a verilən məlumata görə, bununla əlaqədar Əmək və Əhalinin Sosial Müdafiəsi Nazirliyi sahibkarlara müraciət edib: “Ölkədə sahibkarlığın inkişafının dəstəklənməsi istiqamətində aparılan işlərin davamı olaraq 2015-ci ilin noyabr ayından özəl sektora aid müəssisələrdə yoxlamaların aparılması iki il müddətinə dayandırılıb. Həmin vaxtdan etibarən Dövlət Əmək Müfəttişliyi Xidməti tərəfindən də özəl sektora aid müəssisələrdə heç bir yoxlama həyata keçirilmir.
Hazırda bu və ya digər sahibkarlıq obyektində kiminsə özünü “əmək müfəttişi” kimi təqdim edərək yoxlama aparmaq istəməsi də dələduzluqdan başqa bir şey deyil.
Ona görə də sahibkarlardan belə halla qarşılaşdıqları təqdirdə Əmək və Əhalinin Sosial Müdafiəsi Nazirliyinin 142-Çağrı Mərkəzinə dərhal məlumat vermələri xahiş olunur”.

Həmçinin oxuyun

Ata Abdullayevə diplomatik pasport verilibmi?- XİN-dən rəsmi açqlama

“Ata Abdullayevin diplomatik pasportunun olması ilə bağlı yayılan məlumatların heç bir əsası yoxdur”. Bu sözləri …

Bir cavab yazın