Çərşənbə , May 22 2019
Ana səhifə / Siyasət / Nazirlik qrant alır, məbləği isə açıqlamır

Nazirlik qrant alır, məbləği isə açıqlamır

Kənd Təsərrüfatı Nazirliyi Yaponiyadan qrant alacaq.

Virtualaz.org saytı xəbər verir ki, bu barədə nazirliyin yaydığı açıqlamada bildirilir.

Xəbərdə deyilir ki, Azərbaycan və Yaponiya hökumətləri arasında “Yaponiyanın orta və kiçik həcmli müəssisələrinin məhsullarının təminatı üçün Qeyri-Layihə üzrə Qrant Yardimi”na dair imzalanacaq notanın müzakirəsi aparılıb.

Kənd təsərrüfatı naziri Heydər Əsədov Yaponiyanın Azərbaycandakı səfiri Tsuquo Takahaşi ilə görüşüb.

Nazir bildirib ki, Azərbaycanla Yaponiya arasında imzalanmış notalar mübadiləsinə əsasən Yaponiyanın 2KR Proqramı çərçivəsində ayırdığı qrantlar, eləcə də Tərəfdaşlıq Fonduna və dövriyyə hesabına toplanmış vəsaitlər hesabına 1637 ədəd müxtəlif növ kənd təsərrüfatı texnikaları alınaraq lizinq yolu ilə kənd təsərrüfatı sahəsində çalışan hüquqi və fiziki şəxslərə verilib. Yeni qrant da aqrar sahəyə yönəldiləcək.

Lakin xəbərdə indiyədək ayrılmış vəsait, bu dəfə ayrılacaq qrantın məbləği açıqlanmır.

Həmçinin oxuyun

Zərdüşt Əlizadə: “Rusiyanın yeni ekspansiyalar üçün qüvvəsi qalmayıb”

Estoniyanın müdafiə naziri Rusiyanın qərb sərhədlərinə böyük hərbi qüvvələr cəmləşdirdiyi ilə bağlı açıqlama verib. Ölkəsinin  …

Bir cavab yazın