Cümə , Oktyabr 30 2020
Ana səhifə / Siyasət / Nazir məşhur polkovniki vəzifədən azad etdi

Nazir məşhur polkovniki vəzifədən azad etdi

Məşhur polkovnik, Ədliyyə Nazirliyi Gəncə regional idarəsinin rəisi Nizami Qocayev vəzifəsindən azad edilib.

BakuPost xəbər verir ki, nazir Fikrət Məmmədovun əmrilə o, təqaüdə göndərilib.

2016-cı ildən Ədliyyə Nazirliyi sistemində çalışan N.Qocayev ondan əvvəl DİN-də yüksək cəzifələrdə çalışıb və polis polkovniki kimi məşhurdu. 

O, DİN-in İstintaq İdarəsinin rəisi vəzifəsində çalışıb. 1999-cu ildə bir sıra ağır cinayətlərdə ittiham olunaraq, həbs edilib. Məhkəmə tərəfindən ona verilən cəzanın bir hissəsini çəkdikdən sonra 2002-ci ildə dövlət başçısı tərəfindən əfv olunub. Bəraət aldıqdan sonra isə yenidən daxili işlər orqanlarına bərpa edilib. Sonradan İsmayıllı rayonunun polis rəisi vəzifəsində çalışıb.

Nizami Qocayev sayta açıqlamasında təqaüdə göndərildiyini təsdiqlətib: “Burda nə var ki, artıq təqaüd yaşımdır”. 

Polkovnik bundan sonrakı planlarından da danışıb: “45 il işlədim. Pensiya alıram. Daha bəsdi, bundan sonra istirahət edəcəm, sağlamlığımla məşğul olacam”.

Nazir məşhur polkovniki vəzifədən azad etdi

Həmçinin oxuyun

Ağ Ev müharibədə Ermənistanın daha çox itki verdiyini bəyan etdi…

ABŞ prezidentinin milli təhlükəsizlik məsələləri üzrə müşaviri Robert Brayen Ermənistanın baş naziri Nikol Paşinyanla telefon …