Cümə axşamı , Yanvar 21 2021
Ana səhifə / Siyasət / Nazarbayev Trampla görüşmək üçün ABŞ-a gedib

Nazarbayev Trampla görüşmək üçün ABŞ-a gedib

Qazaxıstan prezidenti Nursultan Nazarbayevin ABŞ-a rəsmi səfəri başlayıb.

Virtualaz.org-un məlumatına görə, bu barədə Qazaxıstan prezidentinin mətbuat xidməti xəbər yayıb.

“Səfər zamanı prezident Nursultan Nazarbayev ABŞ prezidenti Donald Tramp, ABŞ rəsmiləri və işgüzar dairələrin nümayəndələri ilə görüşəcək”, – məlumatda deyilir.

D.Tramp ilə N. Nazarbayev Qazaxıstanın BMT TŞ-a sədrliyini, xüsusilə Əfqanıstan kimi beynəlxalq məsələlərin həlli istiqamətində liderliyini müzakirə edəcəklər. Görüşdə həmçinin ikitərəfli münasibətlər, o cümlədən nüvə silahının yayılmaması diqqət mərkəzində olacaq.

Qazaxıstan prezidenti həmçinin BMT Təhlükəsizlik Şurasının iclasında iştirak edəcək.

Qeyd edək ki, Tramp Nazarbayevi ABŞ-a sentyabrın əvvəlində telefonla danışarkən dəvət etmişdi. Danışıq Amerika tərəfinin təşəbbüsü ilə olmuşdu.

Həmçinin oxuyun

Baydendən ilk tələb: “Əliyev və Ərdoğana qarşı sanksiya…” (VİDEO)

Qarabağ müharibəsində böyük itkilər verərək məğlub olan Ermənistan Co Bayden Prezident kimi fəaliyyətinə başlayar-başlamaz Amerikadakı …