Bazar , Yanvar 17 2021
Ana səhifə / Siyasət / Nazarbayev iyunun 9-nu milli matəm günü elan etdi

Nazarbayev iyunun 9-nu milli matəm günü elan etdi

Qazaxıstan Respublikasının prezidenti Nursultan Nazarbayev “Terror aktı nəticəsində insan tələfatı ilə əlaqədar Qazaxıstan Respublikasında milli matəmin elan edilməsi haqqında” sərəncam imzalayıb.

Azinforum.az  AzərTAc-a istinadən bildirir ki, sənəddə deyilir: “Aktobe şəhərində törədilən terror aktı nəticəsində hərbi qulluqçuların və mülki şəxslərin həlak olması ilə əlaqədar 2016-cı il iyunun 9-nu Qazaxıstan Respublikasında milli matəm günü elan edirəm”.

Xatırladaq ki, iyunun 5-də Aktobedə terror aktı törədilib. Qazaxıstanda terror təhlükəsinin “sarı” səviyyəsi elan edilib.

Daha əvvəl bildirilib ki, Aktobedə obyektlərə hücum edənlərin 13-ü çevik silahlı müqavimət sayəsində məhv edilib, 4-ü yaralanıb, hücumun 6 iştirakçısı axtarışdadır.

Qazaxıstan Respublikası Daxili İşlər Nazirliyinin bəyanatında deyilir: “Təəssüf ki, silah mağazalarına quldur hücumu nəticəsində 3 nəfər həlak olub, 2 nəfər yaralanıb. Silahlı cinayətkarların hücumlarının qarşısının alınması, habelə onların tutulması zamanı daxili işlər orqanlarının 5 əməkdaşı yaralanıb. Hərbi hissəyə hücum zamanı Milli Qvardiyanın 3 hərbi qulluqçusu həlak olub, 6 nəfər yaralanıb. Ölkənin daxili işlər orqanlarının bütün şəxsi heyəti gücləndirilmiş rejimdə xidmətə davam edir. Aktobedə və bütövlükdə respublikada vəziyyət sabitdir və nəzarət altındadır”.

Həmçinin oxuyun

“Türkiyə Rusiyanı Azərbaycanda neytrallaşdırmağın yolunu bilir və bunun üzərində işləyir”

Ötən gün prezident Rəcəb Tayyib Ərdoğan da gələcəkdə Qarabağda sülhməramlıların varlığı və iştirakı olmadan proseslərə …

Bir cavab yazın