Ana səhifə / Siyasət / Nəsib Piriyev İnterpolun saytında – Axtarış dosyesi açıqlandı

Nəsib Piriyev İnterpolun saytında – Axtarış dosyesi açıqlandı

İnterpol azərbaycanlı iş adamı Nəsib Piriyevin axtarışa verilməsi ilə bağlı məlumat açıqlayıb.

Qafqazinfo” xəbər verir ki, APA-nın İnterpolun saytına istinadən verdiyi məlumata görə, 34 yaşlı Piriyev Nəsib Nizami oğlu Cinayət Məcəlləsinin 178.3.2-ci (dələduzluq – külli miqdarda ziyan vurmaqla törədildikdə) maddəsi ilə təqsirləndirilir. Azərbaycan hüquq-mühafizə orqanları N. Piriyev barəsində həbsli axtarış elan edib və saxlanılması üçün İnterpola müraciət olunub. Hazırda onun tutulması istiqamətində axtarışlar davam etdirilir.

Qeyd edək ki, APA ötən gün Azərbaycan Beynəlxalq Bankının ətrafında yaranmış kredit qalmaqalı ilə bağlı iş adamı Nəsib Piriyevin axtarışa verilməsi ilə bağlı məlumat yayıb.

Hüquq-mühafizə orqanlarından APA-ya verilən məlumata görə, “Azərbaycan Consaltinq Qrup”,  “PNN Group” və bir sıra başqa şirkətlərin sahibi Nəsib Piriyev Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsində başlanmış cinayət işi ilə əlaqədar axtarışa verilib. N. Piriyevin xarici ölkələrdən birində olduğu, dəfələrlə istintaqa çağırılmağına baxmayaraq, ölkəyə qayıtmadığı bildirilir.

Qeyd edək ki, Nəsib Piriyev bir müddət əvvəl həbs edilən və daha sonra azadlığa buraxılan iş adamı Nizami Piriyevin oğludur.

Xatırladaq ki, Nəsib Piriyevin işi ilə bağlı daha dörd iş adamı hazırda həbsdədir.

Həmçinin oxuyun

Bakı və Kreml Brüssel görüşündən narahatdır, ABŞ tənqidləri qəbul etmir

Vaşinqton Bakının aprelin 5-də Brüsseldə ABŞ, Avropa İttifaqı və Ermənistanın üçtərəfli görüşü ilə bağlı tənqidini …

Bir cavab yazın