Bazar ertəsi , Yanvar 18 2021
Ana səhifə / Siyasət / Mxitaryanın Dağlıq Qarabağa səfərinin sensasion təfərrüatı

Mxitaryanın Dağlıq Qarabağa səfərinin sensasion təfərrüatı

Henrik Azərbaycan ordusuna qarşı döyüşən erməni hərbçilərinin ailələrinə maddi yardım edib

Dortmundun “Borussiya” klubunun erməni əsilli futbolçusu Henrik Mxitaryanın Dağlıq Qarabağa səfərlərinin məqsədi bəlli olub.
Qol.Az-ın xəbərinə görə, Rusiyanın sports.ru saytında erməni jurnalist Ararat Mamberyanın yazısından məlum olub ki, Mxitaryan 2009-2012-ci illər aralığında, hələ Ukraynanın “Şaxtyor” klubunda çıxış edərkən Azərbaycanın işğal altındakı Dağlıq Qarabağ bölgəsinə, Xankəndi şəhərinə dəfələrlə qanunsuz səfərə gedib.
Erməni jurnalist yazıb ki, səfər xeyriyyə məqsədi ilə həyata keçirilib. “Artsaxda (Dağlıq Qarabağda – red.) olarkən Mxitaryan hər dəfə erməni ailələrinə soyuducu, paltaryuyan maşın, televizor hədiyyə edib. Həmçinin Henrix bölgələdə futbolun populyarlaşmasına dəstək olub”.
Yazıdan aydın olur ki, Dağlıq Qarabağın separatçı rejiminin rəhbəri Bako Saakyan bölgədə futbola verdiyi dəstəyə və həyata keçirdiyi xeyriyyə aksiyasına görə Henrik Mxitaryana təşəkkür edib və onu “xalq müdafiəçisi” adlanan ordenlə təltif edib.
Qeyd edək ki, Mxitaryan hər dəfə bu yardımları   Yeni il ərəfəsində edib. Erməni jurnalistinin bu yazısından o da məlum olub ki, son aksiya zamanı Henrik tərəfindən Azərbaycan torpaqlarının işğalında rol oynayan hərbçilərin ailələrinə də yardım edilib.
“Növbəti aksiya zamanı Artsaxın (Dağlıq Qarabağın – red.) işğaldan azad olunmasında (?) iştirak etmiş hərbçilərin ailələrinə yardım göstərilib. 21 ailəyəyə məişət avadanlıqları təqdim olunub. Mxitaryan onlara öz avtoqrafı ilə top da hədiyyə edib. Ümumiyyətlə, ulduz futbolçular üçün öz vətəninə kömək etmək normal haldır” – deyə yazıda qeyd olunub.
Beləliklə, erməni jurnalistin yazısında da təsdiq olunur ki, Mxitaryan Qarabağ müharibəsi zamanı Azərbaycan ordusuna qarşı döyüşən erməni ailələrinə dəfələrlə yardım edib. Bundan başqa, onun bu səfərlər zamanı Dağlıq Qarabağın separatçı rejiminə maddi dəstək verməsini də istisna etmək olmaz. Çünki bu günə qədər separatçı rejimin dünyada məşhur və varlı olan ermənilərdən maddi dəstək aldığı kimsəyə sirr deyil.
Yəri gəlmişkən, bu qanunsuz hərəkətinə görə Mxitaryanın Azərbaycan dövləti tərəfindən arzuolunmaz şəxs elan edildiyi və onun “Qəbələ” ilə oyun zamanı ölkəmizə buraxılmayacağı bildirilir.

Həmçinin oxuyun

“Bağlı qapılar arxasında qurulan planlar…” – Ərdoğandan şok Qarabağ açıqlaması

“Türkiyə etdiyi həmlələrlə əsrlərdir müstəmləkəçilik üzərində qurulmuş düzəni kökündən sarsıdır”. Bunu Türkiyə Prezidenti Rəcəb Tayyib …

Bir cavab yazın