Bazar ertəsi , Yanvar 25 2021
Ana səhifə / Siyasət / Müdafiə Nazirliyinin rəhbərliyi iki generalın işdən azad olunmasını təsdiqlədi

Müdafiə Nazirliyinin rəhbərliyi iki generalın işdən azad olunmasını təsdiqlədi

Müdafiə Nazirliyinin rəhbərliyindəki mənbələr Cəmşid Naxçıvanski adına Hərbi Litseyin rəisi, general-mayor Mirzə Almasovun və Müdafiə Nazirliyinin Baş Hərbi İnspeksiyasının rəisi, general-mayor, Milli Qəhrəman Fəxrəddin Cəbrayılovun vəzifələrindən azad edilməsi barədəki məlumatı virtualaz.org saytına təsdiqləyiblər.

Maraqlıdır ki, nə Azərbaycan prezidentinin, nə də Müdafiə Nazirliyinin mətbuat xidmətləri generalların işdən çıxarılması barədə hələ də rəsmi informasiya yaymayıb.

*   *   *12:47

Azərbaycan prezidenti İlham Əliyev Cəmşid Naxçıvanski adına Hərbi Litseyin rəisi, general-mayor Mirzə Almasovu və Müdafiə Nazirliyinin Baş Hərbi İnspeksiyasının rəisi, general-mayor, Milli Qəhrəman Fəxrəddin Cəbrayılovu vəzifədən azad edib.

Bu barədə virtualaz.org saytına Müdafiə Nazirliyi sistemindəki mənbələrdən məlum olub.

Müdafiə Nazirliyinin mətbuat xidmətindən isə məlumat nə təsdiq, nə də təkzib olunmayıb. Nazirlikdən virtualaz.org saytına yalnız onu bildiriblər ki, mətbuat Müdafiə Nazirliyi sistemindəki kadr dəyişiklikləri barədə məlumatlandırılacaq.

Yüksək rütbəli iki generalın vəzifəsindən kənarlaşdırıldığını hərbi ekspert Üzeyir Cəfərov da təqsdiqləyib. O, bu haqda öz facebook hesabında məlumat paylaşıb.

Generalların Müdafiə Nazirliyi sistemindəki korrupsiya qalmaqallarına görə etibarlarını itirdikləri və işdən azad olunduqları bildirilir.

Belə ki, iyulun 28-də Baş Prokuror yanında Korrupsiyaya Qarşı Mübarizə Baş İdarəsi Müdafiə Nazirliyinin Baş Hərbi İnspeksiyasının üç yüksək vəzifəli əməkdaşını həbs edib. Zabitlər korrupsiyada və rüşvət almaqda ittiham olunur.

Şübhə yoxdur ki, general Fəxrəddin Cəbrayılovun işdən azad edilməsi də onun başçılıq etdiyi idarədə aşkar olunan korrupsiya faktları ilə əlaqəlidir.

Fəxrəddin Cəbrayılov 2013-cü ildə Zakir Həsənovun müdafiə naziri təyin olunmasından sonra polkovnik rütbəsində ehtiyatdan orduya çağırılıb və Müdafiə Nazirliyi sistemində korrupsiya, digər qanunsuz əməllərin qarşısını almalı olan Baş Hərbi İnspeksiyaya rəis təyin edilib. Belə görünürdü ki, Milli Qəhrəmanın yenidən orduya çağırılması və Baş Hərbi İnspeksiyanın rəisi təyin edilməsi Səfər Əbiyevin dövründə orduda kök salmış korrupsiyaya qarşı mübarizə üçün ona xüsusi etimadın göstərilməsi ilə bağlı idi.

Lakin Cəbrayılov etimadı doğrultmayıb və onun başçılıq etdiyi idarədə korrupsiya, rüşvət əməlləri aşkar olunub.

Həmçinin oxuyun

İqbal Ağazadə: “Siyavuş Novruzov tələbələrlə bağlı bu fikri bilərəkdən səsləndirib”

“İqtidarda hamı ağıllı danışsaydı, pisi kimin ayağına yazardılar? Bəzi adamlar ona görə belə danışırlar ki, …

Bir cavab yazın