Cümə , Oktyabr 30 2020
Ana səhifə / Siyasət / MSK-nın qərarından sonra Razi Nurullayevin önünə keçən Murad Fərzəliyev kimdir?

MSK-nın qərarından sonra Razi Nurullayevin önünə keçən Murad Fərzəliyev kimdir?

Mərkəzi Seçki Komissiyasının bugünkü iclasında 79 saylı İmişli seçki dairəsindən 5 seçki məntəqəsi – 14, 16, 21, 23 və 25 saylı məntəqələr üzrə səsvermənin nəticələrinin etibarsız hesab edilib.
Yeniavaz.com-un hesablamalarına əsasən, adları qeyd edilən məntəqələr üzrə səsvermənin nəticələri ləğv olunduqdan sonra Razi Nurullayevin səsləri 2018-ə düşüb. Murad Fərzəliyevin səsləri isə 2367 olub.
Qeyd edək ki, 1963-cü il təvəllüdlü Murad Fərzəliyev  22 avqust 1963-cü ildə İmişli rayonunda anadan olub.  M.Ə.Rəsulzadə adına Bakı Dövlət  Bakı Dövlət Universitetinin jurnalistika fakültəsini və Azərbaycan Dövlət Bədən Tərbiyəsi və İdman Akademiyasını fərqlənmə diplomu ilə bitirib.
İmişli Rayon Komsomol Komitəsində ikinci katib, Rayon İcra Hakimiyyətində təlimatçı vəzifələrində çalışıb.
1993-cü ildən 2001-ci ilədək İmişli rayonunun ictimai-siyasi mətbuat orqanı olan “Xalq sözü” qəzetinin baş redaktoru olub.
Şəhər Sovetinin deputatı, gənclərlə iş komissiyasının sədri seçilib. “Şücaət” hərbi-vətənpərvərlik klubunun təsisçisi və rəhbəri olub. Sovet dövründə Əfqanıstanda döyüşən azərbaycanlı əsgərlərə həsr olunmuş “Onlar bizimlə yaşıd idi…” xüsusi buraxılışının müəllifidir.
İmişli Rayon Ziyalılar Cəmiyyətinin sədri seçilib.
2001-ci ildən Milli Olimpiya Komitəsində (MOK) aparıcı məsləhətçi vəzifəsində işləyir.
MOK-un rəsmi mətbuat orqanı olan “Olimpiya dünyası” qəzetinin baş redaktorudur.
Olimpnews.az saytının təsisçisidir. Jurnalistika sahəsində 1989-ci ildən fəaliyyətə başlayıb.
Milli Olimpiya Komitəsi tərəfindən çap edilmiş Azərbaycanda idmanın və Olimpiya Hərəkatının tarixi ilə bağlı ensiklopedik kitabın redaksiya heyətinin, MOK-un və Ədalətli Oyunlar Komissiyasının üzvüdür.
Dəfələrlə yay və qış Olimpiya oyunlarında, Avropa Yeniyetmələrinin Olimpiya Festivallarında, Gənclərin Yay Olimpiya, İslam Həmrəyliyi və II Avropa oyunlarında, eyni zamanda Olimpizm və idmanla bağlı beynəlxalq tədbirlərdə nümayəndə heyətinin tərkibində ölkəmizi jurnalist kimi təmsil edib.
Elmi iş üzərində çalışır. Azərbaycan Jurnalistlər Birliyinin (AJB), Azərbaycan İdman Jurnalistləri Assosiasiyasının (AİJA) üzvüdür.
Murad Fərzəliyev bədii yaradıcılıqla məşğul olur, “Bir az gecikəndə” adlı şeirlər kitabının müəllifidir. Bir şeri orta məktəb dərsliyinə salınıb. Şeirləri Türkiyədə nəşr olunan “Avrasiya şairlərinin antologiyası” kitabında dərc edilib.
Azərbaycan Respublikasının Prezidenti İlham Əliyevin Sərancamı ilə “Əməkdar jurnalist” fəxri adına layiq görülüb.
Rəhbərlik etdiyi “Olimpiya dünyası” qəzeti dəfələrlə ilin idman nəşri elan olunmuş, İspaniyada “Nüfuza və keyfiyyətə görə” beynəlxalq mükafata layiq görülmüşdür.

Həmçinin oxuyun

Novella Cəfəroğlu: “İki adam tutulanda az qalırdı, başımıza bomba yağdırsınlar, indi isə…”

Dünyanın neoimperialist siyasət yürüdən güclərinin beynəlxalq hüququ istəyəndə ayaqları altına aldığını, özlərinə lazım gələndə başlarına …