Ana səhifə / Siyasət / “Moskvanın Araz Ağalarova münasibəti dəyişib”

“Moskvanın Araz Ağalarova münasibəti dəyişib”

“Moskvada işadamı Araz Ağalarova qarşı kampaniyanın başladığı hiss olunur. Terrorçuların “Crocus Siti Holl”a hücumu və baş verən faciə Moskvada Araz Ağalarova münasibəti dəyişib. Əvvəlcə Rusiya mediası yazdı ki, “Crocus Siti Holl”un təhlükəsizlik xidməti terrorçulara qarşı niyə müqavimət göstərməyib? İzah edildi ki, təhlükəsizlik xidməti əməkdaşlarının silah daşıması Rusiya qanunlarına görə qaradağandır. Təhlükəsizlik xidmətinin əməkdaşları Kalaşnikov avtomatları ilə silahlanan terrorçuları dayandıra bilməzdilər. Rusiya mediasının sonrakı mövzusu “Crocus Siti Holl”un sonrakı taleyi ilə bağlıdır. Belə fikirlər səsləndirirlər ki, həmin yerdə artıq əyləncə mərkəzi olmamalı, qurbanların abidəsi inşa edilməlidir. Araz Ağalarov buna etiraz etmir, ancaq əlavəsi ondan ibarətdir ki, bu müzakirə predmeti olmalıdır. Bunun ardınca, Rusiya İstintaq Komitəsinin “Crocus Siti Holl” konsert zalının yanğın təhlükəsizliyinə cavabdeh olan şəxsə qarşı səhlənkarlıq maddəsi ilə cinayət işinin açıldığı xəbəri yaylıb. Digər tərəfdən Rusiyanın İstintaq Komitəsinə “Crocus City Hall”un sahiblərinə qarşı göstərilən xidmətlərin təhlükəsizliyinin təmin edilməməsi haqqında cinayət işi açılması barədə ərizələr daxil olub”.

Bunu politoloq Elxan Şahinoğlu bildirib.

E.Şahinoğlu qeyd edib ki, bu hadisəyə qədər Rusiya hakimiyyəti Araz Ağalarovun biznes fəaliyyətinə əngəl yaratmırdı: “Əksinə Ağalarora Rusiyanın müxtəlif şəhərlərində tikinti aparmaq üçün icazələr verilirdi. Ancaq hazırda Kremlin mövqeyində dəyişiklik hiss edilir. Görünür, işin içində Araz Ağalarovun Rusiyadakı biznes rəqibləri də var. Həmin rəqiblər Ağalarovun başqa layihələrinə mane olmağa çalışa bilərlər.

Həmçinin oxuyun

Müsavatın dialoqda iştirakına etiraz: Vəfa Cümşüdlü partiyadan istefa verdi

Müsavat Partiyasının keçmiş Divan üzvü və sabiq Qadınlar Təşkilatının sədri Vəfa Cümşüdlü partiyadan istefa verib. …