Şənbə , Sentyabr 19 2020
Ana səhifə / Siyasət / Moskvada azərbaycanlıya təzyiqə görə erməni məmur işdən çıxarıldı

Moskvada azərbaycanlıya təzyiqə görə erməni məmur işdən çıxarıldı

Tovuz döyüşləri ərəfəsində Moskvada həmyerlimizə qarşı edilən qanunsuzluğa görə Moskva Vilayəti Mıtişi şəhər dairəsi Administrasiyasında şöbə müdiri vəzifəsində çalışan erməni məmur Roman Radikoviç Şaqinyan cəzalanaraq işdən azad olunub.
Bu barədə “Report”a Vəkillər Kollegiyasının sədri Anar Bağırov məlumat verib.
O bildirib ki, o kadrların erməni KİV-də həvəslə tirajlanması isə xalqımıza qarşı illərlə davam edən erməni şovinizminin davamı idi:
“Məsələyə biganə qala bilməzdik və söz verdiyim kimi dərhal Rusiyada fəaliyyət göstərən əsl vətənpərvərlər, həmyerlilərimiz olan vəkil dostlarımız Suriyə Rzayeva və Nəriman Ağasıyeva müraciət etdim.
Əsl peşəkarlar olan, öz həyatlarıını risk altına atan dostlarımız tərəfindən dərhal bütün zəruri tədbirlər görüldü, təmənnasız qaydada hüquqi müstəvidə mübarizə aparıldı və ilk nəticə ilə sizləri sevindirmək istəyirəm:
Moskva Vilayəti Mıtişi şəhər dairəsi Administrasiyasında şöbə müdiri vəzifəsində çalışan erməni məmur Roman Radikoviç Şaqinyan məmura yaraşmayan qanunsuz hərəkətlərinə görə cəzalandı, işdən azad olundu.
Hal-hazırda qarşımızda duran vəzifə Şaqinyanın cinayət məsuliyyətinə cəlb olunması məsələsidir. Artıq bunun üçün də dəyərli vətənpərvər vəkillərimiz tərəfindən bütün zəruri müraciətlər edilib.
Çox xoşbəxtəm ki, hörmətli dostlarımızla birgə düşmanlarımıza qarşı hüquq müharibəsində kiçik də olsa qələbə əldə etmişik!
Əsas isə odur ki, kimliyindən asılı olmayaraq, dünyanın istənilən yerində hər bir sadə azərbaycanlının hüquqlarını pozan hər kəs buna görə mütləq qanun qarşısında cavab verməli olacağına şübhə etməməlidir.
Azərbaycan dövləti və onun rəhbərliyi, ölkə vəkilliyi buna heç zaman imkan verməyəcək!” – deyə Anar Bağırov qeyd edib.

Həmçinin oxuyun

TÜRKMƏNİSTAN RUSDİLLİLİK HALQASINDAN ÇIXIR – Prezident Berdıməhəmmədovu əsəbiləşdirən nə olub?

Viktoriya Panfilova “Nezavisimaya qazeta”, 17.09.2020 Türkmənistan Xarici İşlər Nazirliyi ölkədə rus dilində təhsilin məhdudlaşdırması ilə …