Çərşənbə , Fevral 28 2024
Ana səhifə / Siyasət / “Milli Məclis Ali Məclis adlandırılmalıdır” – Qüdrət Həsənquliyev

“Milli Məclis Ali Məclis adlandırılmalıdır” – Qüdrət Həsənquliyev

“Ağdərə rayonunun yaradılması onunla əsaslandırılır ki, bu ərazilərdə idarəetmənin təkmilləşdirilməsi dövlət funksiyalarının həyata keçirilməsinin səmərələliləşdirilməsi, habelə gələcəkdə dövlət hakimiyyəti orqanlarının əhaliyə mümkün qədər yaxınlaşdırılması, əhalinin dövlət idarəçiliyinə əlçatanlığının daha səmərəli təşkili məqsədi daşıyır. Yəni, bu məqsədlə o rayon yaradılır”.

Bu fikirləri deputat Qüdrət Həsənquliyev “Azərbaycan Respublikasının Ağdərə rayonunun yaradılması haqqında”, “Azərbaycan Respublikasının Ağdam, Cəbrayıl, Füzuli, Xocalı, Xocavənd, Qubadlı, Laçın və Şuşa rayonlarının inzibati ərazi bölgüsündə qismən dəyişiklik edilməsi haqqında” qanunun layihələrinin parlamentdəki müzakirəsi zamanı deyib.

Deputat onu daqeyd edib ki, bu yaxınlaşma yalnız fiziki imkanlar kimi başa düşülməməlidir:

“Çox təəssüf ki, Azərbaycanmda yerli dövlət hakimiyyətinin formalaşdırılmasında bizim vətəndaşlar iştirak etmirlər. Bələdiyyələr yerli özünüidarə orqanlarıdır. Özü də onların səlahiyyətləri olduqca kiçikdir, azdır. Ona görə mən əslində bu müzakirədən istifadə edərək nəyi təklif edirəm? Xalqımız həqiqətən də dövlət idarəetməsində islahatların aparılmasını zəruri hesab edir. Bu barədə insanlar hər məclisdə, imkan düşən hər yerdə danışırlar və bunu gözləyirlər. Cənab prezident də vaxtilə özünün səlahiyyətli nümayəndələrini təyin edəndə söyləmişdi ki, biz, gözləyirik ki, bu özünü doğruldacaqsa müəyyən islahatların aparılmasına ehtiyac olacaq. Ona görə də təklif edirəm ki, ümumiyyətlə Azərbaycanda iqtisadi rayonların bazasında 15 yeni region yaradılsın və regionların məclisləri olsun. O cümlədən Naxçıvan Muxtar Respublikasının indiki Ali Məclisi də məclis adlandırılsın. Bu məclislər birbaşa xalq tərəfindən seçilsin və regionların rəhbərləri də həmin məclislərdə seçilsinlər”. Q.Həsənquliyevin sözlərinə görə, bu halda həqiqətən də insanların dövlət idarəetməsinə yaxınlaşmasının əlçatanlığı ola bilər: “Yəni insanlar birbaşa yerlərdə özlərinin rəhbərlərini seçmiş olar. Hazırda çox təəssüf ki, müşahidə olunan ondan ibarətdir ki, Azərbaycanda bürokratik aparat bir siyasi qüvvəyə çevrilir. Nə qədər gec deyilsə, düşünürəm ki, bunun qarşısını almaq lazımdır. Bunun qarşısını almağın da yeganə yolu yerlərdə dövlət hakimiyyət orqanlarının seçkilər yolu ilə formalaşdırılmasıdır. Mən hesab edirəm ki, həm də ümumiyyətlə Azərbaycan Respublikası Milli Məclisinin də adının dəyişdirilməsinə ehtiyac var. Azərbaycan Respublikasının Milli Məclisi Ali Məclis adlandırılmalıdır. Regionlar inzibati ərazi vahidləri olmalı və onların da məclisləri olmalıdır. Hər bir yaşayış məntəqəsinin isə özünün bələdiyyəsi olmalıdır. Regionlarda isə Azərbaycan Respublikası Prezidentinin konstitusiyaya nəzarət funksiyasını yerinə yetirən, qardaş Türkiyədə valilərin oynadığı funksiyanı, statusu daşıyan valilər, yaxud onun səlahiyyətli nümayəndələri təyin oluna bilər”. Musavat.com

Həmçinin oxuyun

Alen Simonyandan SÜLH açıqlaması 

“Türkiyə Böyük Millət Məclisi sədrinin Ermənistanın Türkiyə və Azərbaycanla sülh şəraitində yaşamaqdan başqa şansı olmadığını …