Çərşənbə axşamı , Oktyabr 27 2020
Ana səhifə / Siyasət / Məşhurlar öz namizədini seçibmi?

Məşhurlar öz namizədini seçibmi?

Fevralın 9-da Azərbaycanda növbədənkənar parlament seçkiləri keçiriləcək. Maraqlıdır görəsən incəsənət adamları parlament seçkilərində iştirak edəcəklərmi? Onlar öz namizədlərini müəyyən ediblərmi?

Azərbaycan Yazıçılar Birliyinin üzvü, tanınmış bəstəkar Baba Vəziroğlu seçki hüququndan istifadə edəcəyini bildirib:

“Əgər mənim seçmək hüququm varsa, o hüquqdan istifadə edərək seçkilərdə iştirak edəcəm. Səbail rayonundan Ziyad Səmədzadəyə səs verəcəm. Düşünürəm ki, Ziyad müəllim deputat olmağa real namizədlərdən biridir. Mən neynirəm özüm də daxil olmaqla şairi, filoloqu, müğənnini ki, deputat olsun?! Düşünürəm ki, parlament onlardan daha çox iqtisadçıların yeridir. Millətin rifahını yüksəltmək üçün iqtisadi qanunlar hazırlamalıdırlar. Yoxsa populist çıxışlar edirlər ki, bizim millətdən yoxdur, biz hamıdan üstünük, musiqini biz yaratmışıq… Bütün bunların hamısı boğazdan yuxarı pafoslu çıxışlardır. Artıq bunlar keçmir e, dünya iqtisadi təməl üzərində qurulur”.

Müğənni Tacir Şahmalıoğlu da səsvermədə iştirak edəcəyini deyib:

“Əlbəttə ki, iştirak edəcəm. Lakin hələ kimə səs verəcəyimi dəqiqləşdirməmişəm. Düşünürəm ki, layiqli olana səs vermək lazımdır. Düzünü desəm deputalardan Fazil Mustafanı daha yaxşı tanıyıram. O birilərini o qədər də tanımıram, hətta yenilərini demək olar ki, heç tanımıram”.

Xalq artisti, muğam ifaçısı Könül Xasıyeva isə seçkidə iştirak edəcəyini bildirsə də, kimə səs verəcəyini açıqlamayıb:

“Onu deməzlər axı? Səsvermə gizli aparılır və mən də səs verəcəyim namizədin adını gizli saxlamaq istəyirəm”.

Müğənni Şəbnəm Tapdıqın reaksiyasından isə belə anlaşıldı ki, seçkilər onu maraqlandırmır.

“Mən şou-biznes adamıyam və müğənniliklə məşğulam. Çox xahiş edirəm mənə bu kimi sullar verməyin. İştirak edəcəm, yaxud etməyəcəm bu, mənə aid olan bir şeydir. Sağ olun”, – deyə dəstəyi asıb.

Müğənni Nadir Qafarzadənin prodüseri Ərtoğrul bildirib ki, onlar da səsvermədə iştirak edəcəklər:

“Nadir bəy və onun komandası dövlətin təsdiqlədiyi namizədlərin hamısını dəstəkləyir. Nadir Qafarzadə də hər kəs kimi parlament seçkilərində iştirak edəcək. Nadir bəy kimə səs verəcəyini heçkimə açıqlamır. Bu Nadir Qafarzadədir, ola bilər ki, digər müğənnilər ad açıqlasın. Ancaq Nadir bəy gizli saxlamağı daha çox sevir”.

Müğənni Damla da səsvermə günü seçki məntəqəsinə gedəcək. Damlanın prodüseri Şamil İbrahimovun sözlərinə görə, müğəninin hətta kimə səs verəcəyi də bəllidir:

“Özü Sumqayıtda yaşadığına görə, düşünür ki, 41 saylı Sumqayıt birinci seçki dairəsindən Hicran Hüseynovaya səs versin”.

Müğənni Zamiq Hüseynov da özünün səsvermə hüququndan istifadə edəcək tanınmışlar sırasındadır. Bunu onun meneceri Fuad bildirib:

“Zamiq bəy seçkilərdə iştirak edəcək, ancaq kimə səs verəcəyini deyə bilmərəm. Çünki, gizli saxlayır”.

Müğənni Xumar Qədimovanın prodüseri Tahirə Məmmədqızı isə deyib ki, Xumar xanım dövlətin hər bir qayda-qanununa əməl edən insandır:

“Parlament seçkilərində də iştirak edəcək, ancaq namizədinin adını açıqlamaq istəmir. Qoy sirr qalsın”.  /Modern.az

Həmçinin oxuyun

“Prezidentin “F-16″-larla bağlı dedikləri Rusiya və İrana mesaj idi” – Ekspert

“Bir ay ərzində, demək olar ki, hər gün müsahibə verirəm. Mənə sual verilir ki, Türkiyənin “F-16″-sı nə gəzir sizdə? …