Bazar , Sentyabr 22 2019
Ana səhifə / Siyasət / Leş mafiyasına qarşı polis əməliyyatı – “Elba” MMC-də 6 ton murdar ət yaxalandı

Leş mafiyasına qarşı polis əməliyyatı – “Elba” MMC-də 6 ton murdar ət yaxalandı

Aprelin 26-da Daşkəsən rayonunun Quşçular kəndi ərazisində 6 ton murdar ət aşkarlanıb. Polisin keçirdiyi əməliyyat nəticəsində murdar ət “Elba 999” MMC-nin sözügedən kənddəki kəsim sexində tutulub.

Bu haqda müsavat.com-a Daşkəsən rayonundan məlumat daxil olub. Məlumatda bildirilir ki, “Elba 999” şirkətinin rayon ərazisindəki kəsim sexinin anbarına yığılan murdar ətlər kolbasa-sosis istehsalına gedəcəkmiş. Həmçinin sözügedən şirkətin Bakıdakı və ölkənin başqa rayonları ərazisindəki dönər mağazalarına burdan murdar ət göndərilirmiş.

Məlumatda bildirilir ki, murdar ətlər at-eşşək və ölmüş mal-qara ətləri olub. Bu məhsullar kəsim sexinə Daşkəsənin baş baytarı Füzuli Nağıyevin möhürü ilə qəbul edilib. Baytar həkim guya bu ətlərin mənşəyinin məlum olduğu, gigiyenik baxımdan normalara cavab verdiyi haqda arayış verirmiş. Mənbənin dediyinə görə, bu iş üçün həkimə “Elba 999” şirkətinin rəhbəri Elçin Rüstəmov rüşvət verirmiş.

unnamed.jpg (11 KB)

“Elba 999” şirkətinin rəhbəri Elçin Rüstəmov

Hazırda fakt üzrə araşdırma aparıldığı, saxlanılan şəxslərin istintaqa ifadə verdikləri bildirilir.

Xatırladaq ki, “Elba 999” MMC 1999-cu ildən Gəncə şəhərində fəaliyyət göstərir. Şirkətin bir neçə rayonda filialları, o cümlədən Daşkəsəndə kəsim fabriki var. 2015-ci ildə MMC-nin Gəncədəki ət kombinatının açılışında ölkə prezidenti İlham Əliyev iştirak edib. “Elba 999” MMC-nin Gəncədə və Bakıda Has Dönər Haus dönər şəbəkələri var. Deyilənə görə, həmin dönər məntəqələrində əhaliyə murdar ətdən hazırlanmış yeməklər satılır.

et le..jpg (29 KB)

Musavat.com daxil olan məlumatda o da bildirilir ki, hazırda Kənd Təsərrüfatı Nazirliyinin vəzifəli şəxsləri Gəncəyə ezam olunub. Türkiyədə səfərdə olan nazir Heydər Əsədova da bu haqda məlumat verildiyi deyilir.

Əldə etdiyimiz məlumata görə, “Elba 999” MMC-nin sahibi Elçin Rüstəmov da istintaqa cəlb edilib. Onun barəsinə həbs-qətimkan tədbirinin seçiləcəyi istisna edilmir.

Musavat.com “Elba 999” MMC-nin mövqeyini dərc etməyə hazırdır.

Musavat.com

Həmçinin oxuyun

Ermənistan XİN:”Dilqəm və Şahbaz girovluqdan azad edilə bilər”

Ermənistanın xarici işlər naziri Zöhrab Mnasaknyan Dilqəm Əsgərov və Şahbaz Quliyevin girovluqdan azad edilməsi məsələsində ölkəsinin müdafiə naziri …

Bir cavab yazın