Bazar ertəsi , Avqust 10 2020
Ana səhifə / Siyasət / Lapşinin anası: “Yalvarıram, onu bağışlayın”

Lapşinin anası: “Yalvarıram, onu bağışlayın”

BBC Azərbaycancaya müsahibəsində, bloqçu Aleksandr Lapşinin anası Bella Lapşin oğlunun bu dəfə “düşüncəsiz hərəkət” etdiyini, lakin ümumiyyətlə “heç vaxt həbslə nəticələnəcək hərəkətə yol verməyən insan” olduğunu deyib.

Çərşənbə axşamı axşam saatlarında Azərbaycana Belarusdan xüsusi təyyarə ilə ekstradisiya edilən Rusiya və İsrail vətəndaşı bloqçu Aleksandr Lapşin dövlət əleyhinə yönələn açıq çağırışlar və Azərbaycan sərhədini qanunsuz olaraq keçmə maddələri ilə təqsirləndirilir.

Cənab Lapşinin Azərbaycana ekstradisiya olunmasını mətbuatdan öyrəndiyini bildirən anası, özünün və qızının hadisədən çox kədərləndiklərini deyib.

O həmçinin bildirib ki, Aleksandr Lapşinin ekstradisiyasından sonra, onunla oğlunun şəraiti və ya onun hüquqi baxımdan vəziyyəti barədə heç kəs əlaqə saxlamayıb.

Azərbaycan hökumətinin onun işi ilə bağlı şəfqətli olmasına rica edərək, Bella Lapşin gələn həftə Azərbaycana getmək niyyətində olduğunu bildirib.

“Mən oğlumla görüşməyə çalışacağam”, o, əlavə edib.

Oğlunun azadlığa buraxılmasına dərindən ümid etdiyni deyən Bella Lapşin, Azərbaycan hökumətinə”yalvarıram, onu bağışlayın və əfv edin” deyə müraciət etdiyini bildirib.

Həmçinin oxuyun

“Azərbaycanı genişmiqyaslı islahatlar və ya iflas gözləyir” – Sabit Bağırov

Ermənistan ordusunun Azərbaycanla sərhəddə, Tovuz istiqamətində törətdiyi təxribatlardan sonra bu hadisələrin arxasında Rusiyanın dayana biləcəyi …

Bir cavab yazın