Bazar ertəsi , Oktyabr 26 2020
Ana səhifə / Siyasət / “Koronavirusdan polis dünyasını dəyişsə, ona şəhid statusu verilməlidir” – Şeyxin qardaşı

“Koronavirusdan polis dünyasını dəyişsə, ona şəhid statusu verilməlidir” – Şeyxin qardaşı

“Bugünki müharibədə ön cəbhədə olanlar tibb işçiləridir”.

Bunu Qafqaz Müsəlmanları İdarəsinin sədri Allahşükür Paşazadənin qardaşı, deputat Cavanşir Paşazadə bildirib.

Deputat qeyd edib ki, bu gün bütün dünya sanki müharibə içərisindədir: “Əvvəlki müharibələrdən fərqli olaraq ön cəbhədə olanlar əsgərlər deyil, tibb işçiləridir. Təəssüf ki, Azərbaycan da bu müharibə içərisindədir. Cənab prezidentin uzaqgörən və qabaqlayıcı siyasəti nəticəsində ölkəmizdə koronavirusun yayılmasının qarşısı alındı. Zamanında görülən tədbirlərin müsbət nəticəsini son günlər yoluxanların və ölənlərin sayının azalmasında görə bilərik. Qonşu ölkələrə nəzər yetirsək, bizim nə qədər şanslı olduğumuzu görərik. Təbii ki, koronavirusla mübarizədə tibb işçiləri polislərin və daxili qoşunların xidməti danılmazdır. Biz evdə oturaraq bu bəladan özümüzü qoruduğumuz zaman onlar bizim üçün ön cəbhədə bu virusla mübarizə aparırlar. Həkimlərimizin bir çoxu bizim sağlamlığımız və genofondumuzun qorunması üçün günlərlə ailəsindən və övladlarından uzaqdırlar. Sevindirici haldır ki, başqa dövlətlərdən fərqli olaraq ölkəmizdə koronavirusdan ölən tibbi işçiləri, polislər yoxdur. Düşünürəm ki, koronavirusdan dünyasını dəyişən həkimlər və polislərimiz olarsa, onlara şəhid statusu verilməlidir. Çünki onlar bizim sağlamlığımız üçün gecə-gündüz işlərinin başındadır. Əlbəttə dövlət tibb işçilərinin bu fəaliyyətini yüksək qiymətləndirərək maaşlarını bir neçə dəfə artırdı. Əlbəttə ki, biz də tibb işçilərimizə evdə oturaraq və şəxsi izolyasiya qaydalarına riayət edərək onlara dəstək olmalıyıq. İnanıram ki, cənab prezident tərəfindən zamanında verilən qərarlar və atılan addımlar sayəsində biz bu bəladan tezliklə qurtulacağıq. Bu məsələ də insanlarımızın da bir qədər duyarlı olmasını məsləhət görürəm. Çünki özlərinin sağlamlığı ilə yanaşı həm də genofondumuzun qorunması üçün çox vacibdir”.Sonxeber

Həmçinin oxuyun

Hikmət Hacıyevdən atəşkəslə bağlı daha bir açıqlama

Ermənistan baş naziri humanitar atəşkəs rejiminə riayət etmək barədə 08.00 radələrində Ermənistanın atəşkəsə riayət etməsi …