Bazar ertəsi , Sentyabr 23 2019
Ana səhifə / Siyasət / “Jurnalistlər istənilən şəxs barədə yazmaqda azaddır“ – Nazir

“Jurnalistlər istənilən şəxs barədə yazmaqda azaddır“ – Nazir

“Media heç bir vəziyyətdə düşmənin dəyirmanına su tökməməlidir, ucuz sensasiya yaratmamalıdır. Mən demirəm ki, mətbuat tənqid etməməlidir. Lakin ən yüksək amil Azərbaycanın ərazi bütövlüyü və gələcəyi olmalıdır”.

Azinforum.az  AzNews.az-a istinadən xəbər verir ki, bu sözləri mədəniyyət və turizm naziri Əbülfəs Qarayev “Azərbaycan mətbuatı və milli-mənəvi dəyərlərimiz” mövzusunda keçirilən konfransda deyib.

Nazir 140 il əvvəl çap olunuş “Əkinçi” qəzeti ilə bağlı fikirlərini bölüşüb: “O zaman “Əkinçi” qəzeti təsis olunmasaydı, bir sıra tarixi hadisələrin gerçəkləşməsi mümkün olmayacaqdı. Cəmi 2 il yaşamış bu qəzet Azərbaycan milli təfəkkürünün irəli aparılmasında böyük rol oynayıb. Bu qəzet mətbuatın inkişafına və gələcəyinə, o zaman çətin dövr yaşayan Azərbaycanın taleyinə böyük təsir göstərib. Jurnalistika indi də mənəvi dəyərlərinə sadiq qalaraq cəmiyyətə xidmət edir”.

Ə.Qarayev dünyada Azərbaycana qarşı aparılan əks təbliğat məsələsinə də toxunub: “Dünyada ikili standartlar yenə də mövcuddur. Azərbaycanda guya demokratiyanın olmaması, problemlərin olduğunu bəyan edən xarici KİV-lər öz problemlərini görmək iqtidarında deyillər. Amma Azərbaycanda ən kiçik problemi böyüdüb qabardırlar”.

Nazir bildirib ki, Azərbaycanda mövcud media məkanı tamamilə sərbəst və açıqdır və internetə rahat daxil olub istənilən məlumatı əldə etmək mümkündür. Ə.Qarayev mətbuatın istənilən şəxs barədə barədə istənilən mövzuda yazmaq azadlığının olduğunu vurğulayıb.

Həmçinin oxuyun

“Azərbaycanı dəstəkləyirik, Ermənistanla isə sadəcə qonşuyuq” – İran deputatı

İranda yaşayan erməni diasporunun fəaliyyəti Tehran ilə Bakı arasındakı münasibətlərə heç bir mənfi təsir göstərə …

Bir cavab yazın