Çərşənbə axşamı , İyun 18 2019
Ana səhifə / Siyasət / İSGƏNDƏR HƏMİDOV HƏBS OLUNA BİLƏR -“Bandotdel” sabiq nazirin tərəfdarlarını saxlayıb; pul aldıqları etiraf olundu…

İSGƏNDƏR HƏMİDOV HƏBS OLUNA BİLƏR -“Bandotdel” sabiq nazirin tərəfdarlarını saxlayıb; pul aldıqları etiraf olundu…

Mayın 19-da müalicə adıyla Azərbaycanı tərk edən sabiq daxili İşlər naziri İsgəndər Həmidovu ölkəyə dönəcəyi təqdirdə həbs olunmaq təhlükəsi gözləyir.

Strateq.az-ın hüquq-mühafizə orqanlarına yaxın mənbələrdən əldə etdiyi məlumatlara görə, sabiq nazirin Azərbaycan Xalq Hərəkatının (AXH) üzvlərinə mayın 25-də icazəsiz aksiyaya getmək göstərişi və pul verdiyi haqda daxil olmuş informasiyanın yoxlanması ilə bağlı keçirilən zəruri əməliyyat tədbirləri zamanı DİN-in Baş Mütəşəkkil Cinayətkarlıqla Mübarizə İdarəsi tərəfindən onlarla şəxs saxlanılıb.

İlkin dindirmə zamanı müəyyən edilib ki, İsgəndər Həmidov ölkənin mühüm bir beynəlxalq tədbirə ev sahibliyi edəcəyi ərəfədə ictimai diqqətin paytaxt Bakıya fokuslandığını nəzərə alaraq, yaxın ətrafına, eləcə də bəzi AXH üzvlərinə mayın 25-də və mayın 28-də icazəsiz aksiyalara getmək barədə göstəriş və pul verib. Dindirməyə cəlb edilmiş 10-larla şəxs pul və icazəsiz aksiyaya getmək barədə göstərişi birbaşa İsgəndər Həmidovdan aldıqlarını artıq etiraf ediblər.

İlkin versiyaya görə, sabiq nazirin müayinə və müalicə adıyla ölkədən çıxışı da planlı olub və bu, qanunsuz aksiyalara cəhd ediləcəyi zaman əsas təşkilatçı kimi məsuliyyətdən yayınmağa hesablanıb.

Gözlənilir ki, İsgəndər Həmidov ölkəyə dönəcəyi təqdirdə bu faktlara görə həbs olunaraq məsuliyyətə cəlb ediləcək.

Həmçinin oxuyun

Surət Hüseynov kimin agenti olub?

Azərbaycanın keçmiş baş prokuroru İxtiyar Şirin bu günlərdə 4 İyun Gəncə olaylarıyla bağlı  Azpolitika.info saytına …