Çərşənbə axşamı , May 18 2021
Ana səhifə / Siyasət / İsa Qəmbər: “Ən böyük ziyan erməni xalqına dəyəcək”

İsa Qəmbər: “Ən böyük ziyan erməni xalqına dəyəcək”

“ABŞ prezidenti Co Bayden elmə, tarixə, məntiqə zidd bir addım ataraq 1915-ci il hadisələrini genosid kimi qiymətləndirdi. Baydenin bu addımı böyük yazar Əbdürrəhim bəy Haqverdiyevin əsərlərini yada saldı. Əbdürrəhim bəy  yazırdı ki, şəhər əhalisi darıxmasın deyə adamlardan birini seçib “şəhərin dəlisi” edirlərmiş. Rusiya, ABŞ və bəzi Avropa ölkələri təxminən 140 il əvvəl bir xalqı “dünyanın dəlisi” halına salıb bədbəxt ediblər”.

Bunu Milli Strateji Düşüncə Mərkəzinin sədri İsa Qəmbər deyib.

İ.Qəmbərin sözlərinə görə, bu xalqı inandırıblar ki, o, dünyanın ən qədim, ən müdrik, ən əzabkeş xalqıdır: “İnandırıblar ki, dünya bu xalqın “ən” olduğunu qəbul etsə, hər şey əla olacaq. Nəticədə bu xalq dünyanın doğrudan da ən başıbəlalı və başabəla xalqlarından birinə çevrilib və nə özü normal yaşayıb inkişaf edə bilir, nə də qonşularına bu imkanı verir. Təəssüf ki, bu bədnam siyasət bugün də davam edir. Təəssüf ki, prezident Bayden bu tarixi səhvi etməklə regionumuzda sülh və əmin-amanlıq perspektivinə çox ağır zərbə vurdu və bunun hamıya ziyanı olacaq. Ən böyük ziyan isə erməni xalqına dəyəcək”.

Həmçinin oxuyun

Azərbaycan və Belarus arasında hərbi əməkdaşlığa dair plan imzalandı

Azərbaycan və Belarus Müdafiə nazirlikləri arasında 2021-ci il üçün ikitərəfli əməkdaşlıq planı imzalanıb. Bu barədə …