Şənbə , Oktyabr 16 2021
Ana səhifə / Siyasət / “İran Azərbaycana dişini qıcayıb, bunun Şeyxülislama nə dəxli var?” – Razi Nurullayev

“İran Azərbaycana dişini qıcayıb, bunun Şeyxülislama nə dəxli var?” – Razi Nurullayev

“Şeyxülislam Allahşükür Paşazadənin hədəf alınması, təhqir olunması və gözdən salınma kampaniyası Azərbaycana, xalqa xidmət deyil, əksinə dövlətçiliyə vurulan zərbədir. Ölkənin dini rəhbərinə bu cür münasibət göstərmək ölkəmizi hörmətdən salmaqdır, xalqımızın dilini gödək etməkdir. İran Azərbaycana dişini qıcayıb, ağlına və ağzına gələni danışırsa, bunun Şeyxülislama nə dəxli var? İran danışır, cavabını da alır”.

Bunu Milli Məclisin deputatı Razi Nurullayev deyib.

“Qafqazın Şeyxülislamı hər kəsə qoşulub İrana hücum etməli deyil axı. Yeri gəldikcə sözünü deyib və deyir. Şeyx Azərbaycanın müsəlman dünyasına bir körpüsüdür. Niyə hesab edirsiniz ki, ya biz, ya da Şeyx özü o körpünü yandırmalıdır? Bəs sonra hansı körpü ilə keçib yeni münasibətlər yaradacağıq?

Heç bir ölkədə öz dini rəhbərinə bu qədər qərəz yoxdur. Bunu edənlər ölkəyə, dövlətə qarşı düşmənçilik aparır.

Şeyx ölkəmiz üçün, barış üçün, müstəqillik üçün çox iş görüb. Şeyxin bir günlük işini, xidmətini ömürləri uzunu edə bilməyənlər xeyli insan ona çamur atır. Ölkəni biabır etməyin, dünyanı özünüzə güldürməyin” – R.Nurullayev əlavə edib.

Həmçinin oxuyun

“Pis sülh, yoxsa yaxşı müharibə”: Bizim üçün hansı məqbuldur?

Rusiya Prezidenti Vladimir Putin Müstəqil Dövlətlər Birliyinin(MDB) Dövlət Başçıları Şurasının videokonfrans formatında keçirilən son iclasında …