Bazar ertəsi , Oktyabr 18 2021
Ana səhifə / Siyasət / İlham Əliyev Putinlə münasibətlərdən danışdı: “Aramızda qapalı mövzu yoxdur”

İlham Əliyev Putinlə münasibətlərdən danışdı: “Aramızda qapalı mövzu yoxdur”

“Bizim prezident Putinlə şəxsi münasibətlərimiz ikitərəfli əlaqələrin uğurlu inkişafı üçün mühüm amillərdən biridir. Keçirdiyimiz görüşlər, ikitərəfli formatda, çoxtərəfli formatda təmaslarımız ikitərəfli münasibətlərimizin möhkəmlənməsinə, qarşılıqlı anlaşmaya imkan verir”

Bunu Azərbaycan prezidenti İlham Əliyev TASS agentliyinin baş direktor müavini Mixail Qusmana müsahibəsində bildirib.

Ölkə başçısı vurğulayıb ki, onunla prezident Putin arasında çox etibarlı münasibətlər mövcuddur: “Bizim aramızda qapalı mövzu yoxdur. Əgər müdaxiləmizi tələb edən hansısa suallar meydana çıxırsa, mütləq zəngləşirik və ya görüşürük”.

Prezident hesab edir ki, bu amil ikitərəfli münasibətlərdə mühüm amildir və dövlətlərarası əməkdaşlıqda vacib rol oynayır.

“Fikrimcə, daha çox şəxsi, qarşılıqlı etimada söykənən münasibətlərimizin sayəsində əlaqələrimizi strateji tərəfdaşlıq səviyyəsinə qaldıra bilmişik. Hansı ki, bu haqda həm Rusiya, həm Azərbaycan bəyan edir”, – deyə prezident İlham Əliyev qeyd edib.

Həmçinin oxuyun

“Bu torpaqları görməyən cavanlarımız uğrunda ölümə gedirdilər” – İlham Əliyev

Mənə güc verən məhz xalqımızın əzmkarlığı idi. Bu torpaqları görməyən cavanlarımız bu torpaqlar uğrunda ölümə …